Talaytepe de xebata awa şimitişî û binawanî virazîyeno

Şaredarîya Bajarê Girdî ya Dîyarbekirî qezaya Peyasî taxa Talaytepe de dest pê xebata awa şimitişî û binawanÎ kerd.

Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî(DÎSKÎ) qezaya Peyasî taxa Talaytepeyî Bulvarê Necmettîn Erbakanî yo ke newe îlaweyê bajarî bîyo de, xeta awa şimitişî virazeno.

Ekîbê Dîskî eke xeta 700 metreyin biqedînê bi seyan keye û cayê ke newe bêrê awankerdiş 24 saet bê mîyan awa şimitişî ra îstÎfade bikerê û problemê binawanî zî safî bibo.

Midurê Pêroyî yê DÎSKÎ Firat Tutşî xebatan ca de sehna û wina vat:”Taxa Talaytepe de ekîbê ma semedê lazimtîyê hemwelatîyan bê mîyan xebetîyenê. Pêroyî de pê 700 metreyin xet ma do cayanê ke newe îlaweyê bajarî bîyî de xeta awa şimitişî pebestê. Eke ina xebate biqedêyo do hemwelatê ma zî rehet bikerê. Bajarê ma rê xeyrin bo.”