Şaredarîya Bajarê Girdî ya Dîyarbekirî qezaya Hezro de sîstemê peydakerdiş û vilakerdişê awa şimitişî kena newe.

Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî(DÎSKÎ) semedo ke wa semedo ke qezaya Hezro de 7 roje 24 saet bê mîyan awa qalîteyin peyda bikero dest pê xebatan kerd.

No qepsam de ekÎbê Dîskî merezê qezayî de depo û şebekeyanê awe de xebata temîr û ciewnîyayişî viraşt û ekîban tesîsatê elketrÎkî zÎ bikero newe.

Midurê Pêroyî yê DÎSKÎ Firat Tutşî xebatan ca de sehna Û derheqê xebatan di agahÎ girewt.

Hezro de sîstemê kontrolkerdişî yo awe ya modern virazîyeno

Tutşî da zanayene ke Hezro de semedê awankerdişê sîstemê kontrolkerdişî yo awe ya modern Dîskî xebatanê xo domneno Û dewamê qalîkerdişê xo de wina vat:

“Ma qepsema xebata temîr û ciewnîyayişê depoyê awe de boyaxkerdişê tever-teberê depoyan, vurnayîşê vanayî, yalitim, newekerdişê hacete polad, semedê pawitişê depoyan bi têlan yena piştiş û xebata pakîye teverê depoyan virazenê. Ma qeza de hetêk ra şebekeyenê newî awan kenê heto bîn ra zî pê sîstemê SCADA 24 saet bê mîyan taqîp kenê. Kişta depoyanê awe de ma biran de zî xebatanê xo domnenê Û no qepsam de zî depoyanê merkeze Hezroyî kenê newe. Armancê ma uyo ke wa hemwelatê ma 24 saet bê mabên biresê awa şimitişî.“

Midurê Pêroyî yê DÎSKÎ Tutşî sehnayîşê xebatan ra dima Qeymeqomê Hezroyî Salîh Sakî reyde ame têhet û xebatan ser o pêvînayiş viraşt.