Şirikîya Walîtîya Dîyarbekirî, Şaredarîya Girdî û Ajansê Qerejdaxî semedê averberdîşê îstîxdamê afatzedîyê cinî proje virazîya û çarçewa ci de cinîyî do otogarê qezayan ya kehen de îstîhsal bikerê.

Semedê kêmkerdişê tesîrê erdlerzo Mereşî yo sanayî û îstîxdamî ser proje virazîya.

Midurîya Pêroyî yê Ajansanê Averberdişî yê Wezaretê Sanayî û Teknolojîyî qepsema “Programê Averberdîşê Mintiqa û Wezîyeto Karî ya Lezgîn” (BOTAP) dest pê ina proje kerd û Şaredarîya Girdî do qepsema xebatan di Otogarê Qezayan ya Kehen semedê îstîhsalê afatzedîyê cinî biçarno û na qepsam de gama sifte erzîya.

Walîyê Dîyarbekirî û Serekwekîlê Şaredarîya Bajarê Girdî ya Dîyarbekirî Alî Îhsan Su û Sekreterê Pêroyî yê Averberdîşê Ajansê Qerejdaxî Yunuys Çolak îmza eşt projeyi.

Merasîmê îmzakerdişê meqamê Serekîya Şaredarî de virazîya û teferuatê projeyi zî ame parekerdiş.

700 ciniyî tira îstîfade bikerê

Sayeya projeyi de 12 atolyeyê cilî û kreş bêra awankerdiş û 700 ciniyî tira îstîfade bikerê.

Yena hedefkerdiş ke 12 aşmî mîyan de xebatan biqedêyo û 9 henzar û 200 metrekare ser o bêra awankerdiş.

Semedê karê atolyeyanê newî zî Tekstîl Îhtîsasê Dîyarbnekirî reyde şirikî bivirazê.

Bedelê ina proje 70 mîlyon lira yo

Walî Alî Îhsan Su merasÎm de qalîkerdişêk viraşt û wina vat:

“Bedelê ina proje 70 mîlyon lira yo 50 mîlyonê ci Ajansê Qerejdaxî peyda bikero û 20 mîlyon lîrayê ci zî ma do peyda bikerê. Ma do bi şirikîya Walîtî, Şaredarî û Ajansê Qerejdaxî na projeye bierzo faaliyet. Ma do cîya-cîya metrekareyan de 12 atolye awan bikerê.

Ma do temînatê îstîxdamî ser o, bide fîrmayan. Uca de ma do ewela cinîyanê xo rê kar peyda bikerê. “

Ma tesîrê xirab ya erdlerzî vîyarnenê

Sekreterê Ajansê Qerejdaxî Yunus Çolakî zî da zanayene ke na proje hetê Wezaretê Sanayî û Teknolojîyî qepsema “Programê Averberdîşê Mintiqa û Wezîyeto Karî ya Lezgîn” virazîyeno.

Çolak badê wina vat:”Projeya k ehetê Şaredarîya Girdî virazîya ma zî resna Wezaretê Sanayî û Teknolojîyî û wezaretê ma zî minasib vînayî. Bi ina wesîle ma do tesîrê xirab ya erdlerzî bivîyarnê û na proje bi taybetî zî hetê îstîxdamê afatzedîyê cinÎ zaf girîng a.”

Merasîm rê Sekreterê Pêroyî yê Şaredarîya Girdî Abdullah Çîftçî, Hetkarê Walî Omer Coşkun zî beşdar bîyÎ.