Hênîyê tarîxî do newera biherîko

Şareadrîya Bajarê Girdî ya Dîyarbekirî hênîyê tarîxîyan de xebata restorasyon3ı dana dest pêkerdiş û sayeya ci de zÎ hênîyê tarîxî ra newera awe biheriko.

Midurîya Pêroyî yê Awe û Îdareyê Kanalîzasyonî ya Şaredarîya Girdî (DÎSKÎ) semedê restorekerdişê hênîyê tarîxî yê bajarî ma proje viraşt.

Eke proje hetê Lijneyê Pawitişî bêra testîqkerdiş xebata restorasyonî do ca de dest pê bikera.

Etabo sifte de 5 hênî

Midurîya Pêroyî yê DÎSKÎ etabo sifte ya xebate de hênîyî Kurtgğlu, Katirpinar, Arbedaş, Kuçeyê Tahtali Kastal ve Dabanoglu de xebata resto0rasyonî bivirazo û nê hênîyê tarîxî ra awe newera serreyan ra dima biherîko.

Midurê Pêroyî yê DÎSKÎ Firat Tutşî da zanayene ke seyehetnameyê Evlîya Çelebî yo ke seserra 16 de nuşîyayo, û goreyê ci 130 umumî 300 zî taybet pêroyî de zanayîşê 430 hênîyî seyehetnameyî de ca gêno.

Tutşî:”Sernameyê Wîlayetê Dîyarbekirî yê pancine ke serra 1874 de weşanîyayo de qala 130 hênîyî bena la nînan ra 33 hebî resayo.

Tutşî kîfş kerd ke viraştişê hênîyan Anatolîya de deme Selçukîyan de dest pê kerdo û badê qalîkerdişê xo wina domna:

“Eke ma hênîyê Dîyarbekirî biewnê, Hênîyê Lalebey, Hênîyê Medreseyê Zîncîrîye, Hênîyê Sahabe Paşayî, Hênîyê Îbrahîm Paşayî, Hênîyê Camîya Arap Şeyhî, HênÎyê Camîya Hasirli, Hênîyê Dêra Meryem Anayî pêynîya înan de desê camî, medrese, tirbe û dêran reyde pîya ameyê awankerdiş. Labele Çirra Aslanliyo ke verba dekewtîşê Îçkale de ca gêna nînan ra cayêko cîya der o. Çirre bi hewayêko hîrêgoşe, bi leteyo kemere ameya montekerdiş û semedo ke wa weş biasîyo bi kerrayê bazalt ameyo viraştiş.”

“Dîyarbekir de awe hênî ra yena şimitiş”

Tutşî da zanayene ke na proje semedê averberdîşê turîzmî cayêko girîng der a û Tutşî kîfş kerd ke proje pê mottoyê “Dîyarbekir de awe hênî ra yena şimitiş” xebatan virazîyeno.

Tutşî bal ont giringîya xebatan ser o û badê qalîkerdişê xo wina domna:

“Yew hênîyêko bêra restorekerdiş zî Hênîyê Kurtoglu yo ke rayîrê Dîyarbekir-Xarpêtı ser o yo. No hênî 148 serrayin o û dormeleyê cip ê têl ameyo padayiş û xeylê wexto ke awe nêheriko. No hênî hetê Walîyê Dîyarbekirî yo Demê Osmanîyan ya 271ine serra 1875 de ameyo viraştiş. Eynê wext de hênîyo ke teverê Sûrî de ca gêno yewek o, bi leteyo kerraye yew kemerin ameya viraştiş.”