Semedê îmtîhanê YKS otobusî bêpere yo

17 û 18ê Hezîrane de îmtîhanê Sazgehê Perwerdeyo Berz (YKS) esto û bi na wesîla ra ê rojan de otobusê Şaredarîya Bajarê Girdî ya Dîyarbekirî bêpere yo.

17 û 18ê Hezîrane de îmtîhanê TYT û AYT estê.Şaredarîya Bajarê Girdî ya Dîyarbekirî zî bire girewt ke wa ê rojan de otobuseyê şaredarî hemwelatîyan rê bêpere xizmet bide.

Serekîya Dayîreyê Resî da zanayene ke hemwelatîyan bi wesîleya îmtîhanê YKS pêynîya hewte de heme otobuseyê şaredarî ra bê pere îstîfade bikerê.

Semedo ke wendekarî ê rojan de hetê komresî zehmetî nêancê şaredarî do pê heme wesayîtê komresî hem qezayon de hem zî merkeze Dîyarbekirî de bixebite.