Wendekaranê Akademî Lîse û Yurdê Kênayan îmtîhanî rê hadre yê

Wendekaranê Akademî Lîse û Yurdê Kênayan yê Şaredarîya Bajarê Girdî ya Dîyarbekirî ra îstîfade kene, semedê îmtîhanê YKS yê ke pêynîya no hewte de bêra viraştiş, hadre yê.

Akademî Lîse ya Sûrî, Akademî Lîse ya ŞehÎd AlÎ Gaffar Okkanî, Akademî Lîse ya El-Cezerî, Akademî Lîse ya Pîranî, Akademî Lîse ya Bismilî Ehmedê Xanî, Akademî Lîse ya H^neÎ Xatûnîye, Akademî Lîse ya Şankûşî û Yurdê Kênayan Serekîya Dayîreyê Xizmetanê Ciwan û Sporî ya Şaredarî ser o xebatanê xo domneno. 1581 wendekarî ke tira îstîfade kenê û hadreyê îmtîhane unîversÎte benê di aşmî yo pêyen de tewrê 20 îmtîhanê ceribnayişî bîyî.

Kişta îmtîhananê ceribnayişî de wendekarî “Xizmetêanê Rayberî û Mişewrê Psîkolojîk ra zî îstÎfade kerd.

“Mabênê qeweyeke”

Serekîya Dayûıreyê Xizmetanê Ciwan û Sporî YA Şareadrîya Girdî wendekaranê ke Kitabxaneyê Şarî û Kitab Qeweyî ra îstÎfade kenî û hadreyê îmtîhanan bene rê semînerê stres û motîvasyonî tertip kerd.

Psîkolog Sadik Sun, wendekaranê Kitab Qewe ya Meydanê Suke rê semînerê stresi da.

Sun teknîkê zêdekerdişê motîvasyonê wendekaran ser o qalî kerd û cuab da perse ke ê merax kenî.

Perwerdekar Mehmet Kaya zî Kitab Qewe ya Temmaparkî de wendekarî reyde ame têhet.

Kayayî zî qalîkerdişê xo de wina vat:

“Her kes estanikê xo, xo bi xo nuşena. Estanikê ke bi cûya perwerdeyî ya bi omîd û xeyalan dest pê keno zî gereke ma binuşê. Kaykerê ser ya nê estanikê zî ma yî. Eke ma fek xeyalê xo ra verde gereke ma razî bibê cûya binan de sey fîguran û keykerdoxîya hetkar.”