Daşinasnayîşê fîlmê îmajî ya “Dîyarbekirî Bicûwe” virazîya

Programê lansmanî fîlmê îmajî ya “Dîyarbekirî Bicûwe” virazîya.

Walîyê Dîyarbekirî û Serekwekîlê Şaredarîya Bajarê Girdî ya DÎyarbekirî Alî Îhsan Su, qezaya Sûrî Birca Bize de programê lansmanî de qalî kerd. Walî Su da zanayene ke sayeyê huzure ke peyda bîyo bajarê ma her ke şino aver şino.

“Hedefê ma 1,5 mîlyon ra zafêr turist ê “

Walî Su qalîkerdişê xo de da zanayene ke Dîyarbekir bi Sûran, Baxçeyê Hewselî, Xan, Medrese, camî û dêran vîzêr ra nata bi tarîxê xo cuyeno. Walî Su qalîkerdişê xo wina domna:

“Ma bi peydabîyayişê huzure pêro pîya vînena ke bajarê ma her ke şina her het de aver şina. Nînan ra yew zî turîzm o.Sektorê turîzmî de zî game bi game bajarê ma vaer şina. Par ma 1 mîlyon turîstî bajarê xo de kerd mêman. Ez bawera ke ma do emser bin o lansmanî 1.5 mîlyon ra zafêr turistî bikerê mêman.”

Walî Su heme kedkaranê fîlmî rê spas kerd û qalîkerdişê xon wina qedînay:

“Şima eşkenê wayîrê xeylê weşî û rindîye bibê la daşinasnayîş û parekerdişê înan zÎ zaf muhîm ê. Eke şima eşkenê erjê xo bide şinasnayîş manayê ci esto. Ma zî wazeme ke wa heme rindîye bajarî xo bi cîhaen rê pare keme wa her ker bêrê nê rindîye bivînê. No ya no fîlm “Dîyarbekirî Bicûwe” ame meydan.”

Ma fîlmê “Dîyarbekirî Bicûwe” pê 400 kesî viraşt”

Viraştox û derhênera fîlmê “Dîyarbekirî Bicûwe” Ferîde Vuralî zî da zanayene ke ameya Dîyarbekirî de gêraya û zaf mutesîr bîya aye ra zî no fîlmî anta.

Vural heme kedkarê fîlmî û selahîyetdaran rê spas kerd û wina va:

“Ma semedê no bajarê qedîm Dîyarbekirî pê ekîbêke 400 kesan kewta ra aryê. Ma 13 qeza de 22 rojî mîyan de antîşî qedînay. Verê antîşî zî aşmeke hadreyîne ma estbi. Ma waşt wa fîlmêko baş bibo aye ra zÎ gereke ma bi ziwanê sînematîk estetîk bi besta bişuxulnê. Wina bî. Ma bawera ke warê mîyannetewî de no fîlm desteg bido daşinasnayîşê Dîyarbekirî”

PêyNîya çalaki de Walî Su viraştoxê fîlmî rê plaket teqdîm kerd.

Lansmanî Sekreterê Pêroyî yê Şaredarîya Girdî Abdullah Çîftçî. Rektorê Unîversîteya Dîcle Prof. Dr. Mehmet Karakoç, qeymeqomê qezayan,midurê sazgehan û hemwelatîyan beşdar bîyÎ.