Problemê awa şimitişî ya Taxa Kuyuluhoyukî safî bi

 

Şaredarîya Bajarê Girdîya Dîyarbekirî, probleme awa şimitişî ya taxa Kuyuluhoyukî ya qezaya Çinarî bi sondajan safî kerd.

Midurîya Pêroyî yê Awe û îdareyê Kanalîzasyonî ya Şaredarîya Girdî (DÎSKÎ) semedo ke qezayan de probleme awe safî bikero xebatanê xo domneno.

Midurîya Pêroyî yê DÎSKÎ qezaya Çinarî taxa KuyuluhoyukÎ de 480 metre xebata sondajî viraşt û netîceyê ci de zî problemê awe safî kerd.

Ekîbê şaredarî do bîrê sondajî yo newî ke 5 lt/sn awe peyda keno, de pompa montaj bikero û probleme awe bîn ra safî bikero.

Midurê Pêroyî yê DÎSKî Firat Tutşî, xebatan ca de sehna û derheqê xebatan di agahî girewt.

Tutşî vîr vist ke sayeya projeyi de probleme awa şimitişî yena safîkerdiş Û badê qalîkerdişê xo wina domna:

“Reyna zî gereke ma awe zayî nêkerê. Awa ke nika dîyena taxe bes o.Gereke ma awedayîşê baxçeyan de awa şimitişî nêxebitnê. Êyê ke aboneyîye înan çin o gereke aboneyîye xo bivirazê. Semedê xebitnayîşê bîrê sondajî ma testan qedînay.Xizmetê ma yo newî taxa KuyuluhoyukÎ rê xeyrîn bo.”