Şaredarîya Bajarê Girdî ya Dîyarbekirî semedo ke wa binawanîya awa şimitişî, kanalîzasyonî û awa eşte yê qezaya Erxenî seraser bikero newe projeyeke hadre kerd.

Midurîya Pêroyî ya Awe û Îdareyê Kanalîzasyonî ya Şaredarîya Bajarê Girdî ya Dîyarbekirî (DÎSKÎ) semedê xêzkerdişê binawanîya Erxenî dest pê xebatan kerd.

Midurê Pêroyî ya DÎSKÎ Firat Tutşî, Hetkarî Midurê Pêroyî yê Dîskî, Serekê dayîreyanê Dîskî reyde sermayegozarîyan ser o kombîyayiş viraşt.

361 kîlometrexeta awa şimitişî,316 kîlometre xeta kanalîzasyonî bêra viraştiş

Qepsema projeyi de Erxenî de 361 kîlometre û 149 metre xeta awa şimitişî, 361 kîlometre û 46 metre xeta kanalîzasyonî, 35 kÎloometre û 572 metre xeta awa şilîye bêra viraştiş.

Tesîsê Sefênayîşê Awa Eşte virazîyeno

Tutşî da zanayene ke her qeza de bi hîstenîkî xebatan dewam kena û qalîkerdişê xo wina domna:

“Ma hemeyê Dîyarbekirî de semedê xizmetanê awa şimitişî û awa eşte goreyê standardan bidîyo, projeyan virazenê. Sayeyê destegê hukmatê ma, ma qezaya Erxenî de dest pê tesîsê sefênayîşê awa eşte kerd. Ma cayê tesise kîfş kerd û ma do demêko kilm de dest pê xebatan bikerê. Sayeya ina tesise ma do weşîya hemwelatê xo bipawê.”

“Ma sayeye hukmetê xo xeylê rayîr girewt”