Şaredarîya Bajarê Girdî ya Dîyarbekirî semedê wendekaranê ke akademî lîseyan de wanenê, Aktîvîteyê Peynîya Serre ya Akademî Lîseyan tertip kerd.

Akademî Lîse ya Sûrî, Akademî Lîse ya Şehîd AlÎ Gaffar Okkanî, Akademî Lîse ya El-Cezerî, Akademî Lîse ya Pîranî, Akademî Lîse ya Bismilî Ehmedê Xanî, Akademî Lîse ya Hênî Xatûnîye, Akademî Lîse ya Şankûşî û Yurdê Kênaya,  Serekîya Dayîreyê Xizmetanê Ciwan û Sporî ya Şaredarî ser o xebatanê xo domneno. Wendekaranê akademî lîseyan aktîvîteyê pêynîya serre de ameyê têhet.

Aktîvîte Merkezê Kulktur û Kongreyî ya Sezaî Karakoçî de pê wendîşê Marşê ÎstîklalÎ dest pê kerd.

Walîyê Dîyarbekirî û Serekwekîlê Şareadrîya Bajarê Girdî ya Dîyarbekirî Alî Îhsan Su da zanayene ke Şaredarîya Girdî û Walîtîya Dîyarbekirî erjeyeyeke pîl dana hemwelatîyan.

Walî Su kîfş kerd ke semedê herkesi xebatan virazîyenoo û badê qalîkerdişê xo wina domna:

“Hemeyê xizmetan girîng ê la xizmetanê gede û ciwanan en girîng e. La çira? Çimkî sibaroja welate ma şima yê. 15-20 serrî dima îdarekar, doxtor, endezyar, xebatkar û îstîhsalkerdoxê no welate şima aye ra ma çiqas înan rê sermayegozarî bikerê sibaroja ma zî hende baş bo. Hedefê ma yê en pîl îmkananê weş mîyan de resayîşê şima yê. Ma teyna wazeme ke ciwananê ma welat û bajare xo rê bibê hemwelate xeyrin.  

Ciwanî û sporî rê desteg

Walî Su vîr vîst ke par 10 henzar wendekarî rê emser zî 15 henzar wendekarî rê destegê perwerdeyî dîya.

Walî Su da zanayene ke par mektebe sporan ra 22 henzar kesî îstîfade kerd û emser hedef keno ke wa 25 henzar hemwelat îstûıfade bikerê.

Walî Su xebatanê YUrdê Kênayan ke 100 kênayI^tira îstîfade kene, ser o qalî kerd.

Walî Su aşkera kerd ke cinîyan kursanê Merkezê Şarî de perwerde gênê U^gedeyanê înan zî kreşan ra îstîfade kenê û badê wina vat: “Ma semedê ciwanan çi deste m ara yen ama texsîr nêkenê” vat.

Qalîkerdişan ra dima koroyê akademî lîseyî konser da û çalaki pê temaşekerdîşê fîlmê îmajÎ ya “Dîyarbekirî Bicûwe” qedîya.

Çalakî rê Sekreterê Pêroyî ya Şaredarîya Girdî Abdullah Çîftçî, Hetkarê Sekreterê Pêroyî ya Şaredarî Veysel Kizilay, Serekê Dayîreyê Xizmetanê Ciwan û Sporî Omer BUgday, wendekaranê akademî lîse û keyeyanê înan beşdar bÎyî.