Dîskî veng da hemwelatîyan ke wa awe îsref nêkere

Midurîya Pêroyî ya Awe û Îdareyê Kanalîzasyonî ya Şaredarîya Bajarê Girdî ya Dîyarbekirî pê zêdebîyayişê xebitnayişê awe semedo ke wa awe mebirne û hemwelatîyan zehmetî nêancê semedê îsrefnekerdişê awe veng da.

Tutşî qezaya Peyasî Tesîsê Sefênayîşê Awe ya Dîskî de çapemenî reyde kombîyayiş viraşt û derheqê îsrefnekerdişê awe de beyanat da.

Tutşî qalîkerdişê xo de da zanayene ke Dîskî bi xebatanê binawanî her hetê no bajarî sey torre mûnayo.

“Bajarê ma hetê awe zaf dewlemend o”

“Ma sayeyê tesîsanê sefênayîşê awa eşte de dormeleyî pawenê. Ma het^ke ra bi tesîsanê enerjî hetêk ra zî bi heme xebatkaranê xo awa şimitişî peyda kene. Projeya tesîsanê sefênayîşê awe û merkezê îstîhsalkerdişê awe goreyê 3m3/sn virazîya. Ma rojanê 280 henzar metrekup ra zêde awe îstîhsal kenî. Rojanê nêzdîyê 22 henzar metrekup awe zî ma çime Gozelî ra gênê. Yane ma rojanê 302 henzar metrekup awe peyda kenî.338 henzar û 899 abone û 1 mîlyon 40 henzar hemwelatî rê bê maben awe dîyeno. Ma wayîrê xeylê awbend û çimeyê awe yê, Dîcle û tesîsanê bê qisur ê aye ra zî ma problemê awe nêancenê.  

“Ma kêmanîyê awe nêancenê ma kêmanîyê zanayîye ancenê”

Ma mewsîmê hamnanî de pê birnayîşê awe mücadele kenî. Şebeke û depoyanê ma de problem çin a labele hetê zanayîşî de kêmanî esta. Bi taybetî hamnanî de awe zaf yena xebitnayîş la gereke ma awe îsref nêke. Ma wazeme ke saya nê rojnamegeranê qîymetine de biresê hemwelatê xo û îsrefnekerdişê awe de pê şirikî ferasetêko hîstenik bivirazê.

“Ma hemwelatê xo ra rojanê 10 lître teserif wazeme”

Tutşî da zanayene ke Dîskî bi xebatanê di serreyo pêyen wazeno ke wa awe hîna baş bixebitnê û netîceyê xebatan de zî ê di serreyo pêyen de xebitnayîşê awe yê qeçax û vinî %48.89 ra ard %34.64 û rojanê 23 henzar metrekup teserifê awe kerd. Tutşî:

“Şarê ma yo erciyaye ma şima zî dawetê berpirsîyarî kenî. Çimkî serkewtîş ma encax pê destegê şima mumkun o. Ma seferberîya awe danê dest pêkerdiş. Ma teyna her hemwelate x ora rojanê 10 lîtfe teserif pawenê. Ma senî eşkenê teserif bikerê? Eke şima wexto ke sereye xo şuwenê 5 deqa rew bivejê yan zî makîneya kincşutişî û makîneya firaqşutişî bike pirr û wina bixebitnê, teserifkerdişê awe mumkun beno. Hemwelatê ma 10 lîtfe teserid bikerê ma rojanê 10 henzar metrekup awe qezenç kene.”

Tutşî qalîkerdişê xo wina domna:”Ma di qatê îxtîyacîyê awe peyda kenî la hîna zî kêm maneno sebebê ci îsrefkerdişê awe yo eke wina bo ma mecburî ke awe bibirnê. “

Tuıtşî qalîkerdişê xo wina qedînay:”Gereke her hemwelatê ma rojanê mabênê 120-150 lt awe bixebitnê la hemwelatê ma rojanê 300 lt awe xebitnenê.”Dîyarbekirijê erciyaye encax şima eşkenê birnayîşê awe biqedînê. Homayî kena awa xo ra wayîr bivejên ke ma zî mecburê birnayîşê mebê. Çimê û sermayegozarîyê Dîskî çime hempar yê 1 mîlyon 800 henzar hemwelatê ma yê.”