Dewa Kalecikî ya Çêrmugî de problemê awa şimitişî safî bi

Şaredarîya Bajarê Girdî ya Dîyarbekirî, qezaya Çêrmugî dewa Kalecikî de problemê awa şimitişî sayeya bîrê sondajî de safî kerd.

Midurîya Pêroyî ya Awe û Îdareyê Kanalîzasyonî ya Şaredarîya Girdî(DÎSKÎ) semedê safîkerdişê probleme awe ya qeza û merkeze bajarî xebatanê xo domnena.

Midurîya Pêroyî ya DÎSKÎ dewa Kalecikî ya Çêrmugî de 221 metre qûrî de bîrê sondajî akerd û sayeya ci de zî hemwelatîyan şewe û roje bê mîyan reseno awa şimitişî.

Midurê Pêroyî ya DÎSKÎ Firat Tutşî xebatan ca de sehna û derheqê xebatan de qalî kerd. Tutşî qalîkerdişê xo de bal ont muhîmîya çimeyê awe yê binerdi û da zanayene ke mesrefê nê xebatan zaf ê.Tutşî aşkera kerd ke Dîskî bi xebatanê xo çarçewa xebata etûtî de cayanê ke pelixî estê kîfş kene.

Tutşî qalîkerdişê xo de îzeh kerd ke semedo ke wa hemwelatîyan şewe û roje 7/24 bireso awa şimitişî Dîskî bê mîyan xebatanê xo domneno.

“Ma wazeme ke wa her nuqteyê bajarî rê awe peyda bikeme”

 Tutşî qalîkerdişê xo wina domna:

“Ma wazeme ke her nuqteyê bajarî rê awa şimitişî biresnîme û aye ra zî taxe û dewan de xebata sondajÎ zaf muhîm a.Seke yeno zanayiş falîyetê zîretî de awa sondajî yena xebitnayiş. Her ke şina awe binerdi zÎ kêm bena û mesrefê nê xebatan zî zêde bena. Seba ma vere her çi weşîya şarî muhîm a.Awa şimitişî ya pak weşîya şarî zÎ pawena. Problemê awa şimitişî ya dewa Kalecikî safî bi. Hemwelatê ma rê xeyrîn bo.”