Kursanê “Bêrê Sporî” dewam kena

 Şaredarîya Bajarê Girdî ya Dîyarbekirî çarçeweya kursanê “Bêrê Sporî” ra 21 branş de 30 henzar û 911 gedeyî îstîfade kenî.

 Serekîya Dayîreyê Xizmetanê Ciwan û Sporî ya Şaredarîya Girdî semedo ke gedeyî tehtîlê hamnanî hîna weş biveynê û desteg bide averşîyayişê fîzîkî û komelkî yê gedeyan qapasîteyê kursanê sporî zêdna.

Kursanê fitbol, voleybol, badminton, tenîsa masayî,kîck boks,tenîsa kortî,basketbol,karate,asnaberî,karate,boks,judo,hentbol,dart,jimnastik,şopgêrî,kogêrî û tîreştoxî,hewte de 7 roje mîyanê saetanê 09:00-17:00 de Kompleksê Sporî ya Talaytepe de dîyena wendekaran.

Hewte de 3 rojî zî Hewza Salona Sporî ya Koşkan û Hewza Asnaberî ya girotî de dersa asnaberî dîyena.

 Şaredarîya Girdî semedê ciwananê ke kunê îmtîhananê POMEM, PMYO, Mektebî leşkerî, BESYO û Lîseyî Sporî zî “Kursanê Qabîlîyeto Taybet” de kursan domnena û nê kursan ra zî 1027 ciwanî îstîfade kenî.

Parkan de Sporê Sibayî dewam kena

Serekîya Dayîreyê Xizmetanê Ciwan û Sporî ya Şaredarî semedo ke hemwelatîyan teşwîkê sporî bikerê Anit Parke, Park 75, Tema Park, Parka Koşuyolî,  Parka Birayîye, Meydana Suke û Parka 15 Temuze, Parkanê Rojava û Seyrantepe TOKÎ de xizmetê sporê sibayî domneno.

 Hemwelatîyan eşkenê her roje saetanê 07:00-10.30 mîyan de perwerdekaranê cinî û camêrd reyde xizmetê sporî ra îstÎfade bikerê.