Sekreterê Pêroyî ya Şaredarî Çîftçî Farqîn de xebatan sehna

Sekreterê Pêroyî ya Şaredarîya Bajarê Girdî ya Dîyarbekirî Abdullah Çîftçî, xebatanê ke hetê Şareadrîya Girdî qezaya Farqînî de dewam kenê, sehna.

Sekreterê Pêroyî ya Şaredarî Çîftçî, ewilî xebata Meydanê Şaristanî ya 1.Kiliçarslanî yo ke semedo ke wa hemwelatîyan keyeyanê xo reyde hêşînayî mîyan de wextê xo weş biveynê virazîyeno, sehna û derheqê xebatan di agahî girewt û badê otogarê Farqînî de xebatan sehna.

Meydanê Şaristanî ya 1.Kiliçarslanî

Serekîya DayÎreyê Park Û Baxçeyan ya Şareadrî pêroyî de 16 henzar û 711 metrekare ca ser o xebatanê xo domneno Û çarçewa projeyi de 7 henzar û 910 metrekare ca semedê hêşînayî ame cîyakerdiş.

Ekîbê şaredarî do semedê arisîyayîşê hemwelatîyan 76 cayê roniştişî û 20 masa ronê.

Meydan de do 30 metrekareyin hewza zuwa û 135 metrekareyin hewza noırmal û 6 henzar û 207 metrekare cayê rayraşîyayişî bêrê viraştene.

Serekîya Dayîreyê Park û Baxçeyan proje de cayêk semedê kaykerdîşê gedeyan kerd cîya û 685 metrekareyî de grûbê kaykerdişê gedeyn bêrê viraştene.

6 henzar û 711 metrekareyin ca zî semedê kaykerdişê gedeyan cîya kerd. Sewbînan 170 metrekareyin kafeterya û dîregê roşnîkerdişî bêrê viraştene.

Otogarê Farqînî

Projeya termînalê qeza hetê Serekîya Dayîreyê Karanê Fenî virazîya û goreyê projeyî do 9 peronê komresî 4 bilêtgeh û warê depokerdişê 100 wesayîtin bêrê viraştene.

Termînal 12 henzar û 500 metrekareyin ca ser o virazîyeno û 350 metrekareyê ci girotî yo tede 8 nuqteyê bilêtgehî, salona pawitişî, wc yê cinî-camêrd-astengdar, odeya miqatebîyayişê tutan, odeya teknîk, odeya selahîyetdaran, kafeterya, cayê bazirganî û depoyê awe ca bigîro.

Otogar do rayîrê Dîyarbekir-Elîhî ser o bêra viraştene û semedê asayîşê termînalî 1.20 metre dergi de des bêra viraştene.