Dîskî sayeya goışdarîya akustik 1 mîlyon û 100 henzar awe pawit

Midurîya Pêroyî ya Awe û Îdareyê Kanalîzasyonî ya Şaredarîya Bajarê Girdî ya Dîyarbekirî (DÎSKÎ), pê goşdarîya akustik verê zayîbîyayişê 1 mîlyon û 100 henzar metreküp awe girewt.

Ekîbê Dîskî hetêk ra semedê zuwabîyayişî tedbîran gênê heto bîn ra zî hemverê qeçax û vinîbîyayişê awe ra mücadele kenê.

Midurîya Şaxê Vinî-Qeçaxî ya DÎSKÎ sayeya goşdarîya akustik qezayanê Peyas,Sûr,Baxlar û Yenîşehrî de awe paweno.

No qepsam de 16 xebatkar 4 taxê merkez de qeçaxê awe yo ke teber ra nêaseno tespit kenê û ca de mudaxalayê arizayan kenê.

Dîskî emser 1 mîlyon û 100 henzar awe pawit

Dîskî granî daye mucadeleyê zuwayî û vinî û qeçaxê awe û serra 2023 de 750 arizayê awe yê ke teber ra nêaseno temîr kerd û sayeya goşdarîya akustik 1 mîlyon û 100 henzar metreküp awe pawit.

Vinî û qeçaxê awe pê teknolojî yena kefşkerdiş

Midurê Pêroyî ya DÎSKÎ Firat Tutşî da zanayene ke çarçewa xebatan di awa bajarÎ ma yena pawitiş û qalîkerdişê xo wina domna: “Xeylê awantajê goşdarîya akustik estê. Nînan ra en mûhîm uyo ke ma sayeya goşdarîya akustik kinitişê bîlasebeb nêkenê. Se ke şima zî zanenê bedelê xebatanê kinitişî zî estê. Heto bîn ra ma pê nê cîhazan zerar nêdana xetanê binan(doğalgaz, turk Telekom ûsn.) Hem zî qeçaxê fîzîkî demêko kilm de yena tespîtkerdiş.”