Wendekarî rê semedê Tercîhkerdişê Unîversîte xizmetê mişawirîye

Şaredarîya Bajarê Girdî ya Dîyarbekirî, semedo ke wa wendekaranê ke kewtênê îmtîhanê YKS tercîho en baş bikerê wendekarî rê xizmetê mişawirîye bêpere dana.

Şaredarîya Girdî awankerdişê meslegê ciwanan yê gama en muhîm de zî kişta wendekaran de yo. Şaredarî semedê tercîhkerdişê unîversîte yê ciwanan Merkezê Mişawirîya Tercîhkerdişî û Rêberîye akerd.

Merkezanê Mişawirîya Tercîhkerdişî û Rayberîyê do Serekîya Dayîreyê Xizmetanê Ciwan û Sporî de semedê tercîhkerdişê unîversîte yê ciwanan xizmet bidê.

Merkezê Tercîhkerdişî, Akademî Lîseyanê Sûr, Şehîd Alî Gaffar Okkan, Pîran, Hênî Xatûnîye, Farqqîn El- Cezerî û Bismil Ehmedê Xanî de ronîya. Merkezan saetanê 10:19:00 mîyan de her roje akerde yo.

Merkez de perwerdekaran do derheqê puan, kontenjan rêza serkewtişî de heta 8ê Tebaxe agahî bidê wendekaran.

“Ma ina xizmet ver zaf keyfweşî”

Wendekarê Akademî Lîseya Sûrî Muhammer Şatay Yildiz da zanayene ke roja ke akademî lîse ronîyayo nata tira îstîfade keno.

Yildizî kîfş kerd ke akademî lîse de perwerdeyêko weş girewto û îmtîhan de 440 puan girewto û warê xo de rêza serkewtişî di 12 henzar kesî mîyan de yo.

Seyfullah Kadrano zî da zanayene ke prosesê pandemî de xeylê dersan ra dûrî mendo û badê şinasnayîşê akademî lîse ra dima aver şîyo.

Kadranî îzeh ker dke wazeno ke Mamostayîye Perwerdeyo Taybet biwano û qalîkerdişê xo wina qedînay:

“Mi se ke lîse qedînay akademî lîse şinasna. Mi sayeya xebatanê ke Şaredarîya Bajarê Girdî viraşto tîya sey keyeyê xo hîs kerd. Mi mamostayanê xo reyde 2 serrî xebetîyen û ez resaya hedefe xo ser. Mi Îmtîhan ra 407 puan girewt. Ez warê xo de rêza serkewwtişî de kewta 15 henzar kesî mîyan. Ma perwerdeyanê înan ver zaf keyfweşî. Ma hem perwerdekaranê xo rê hem zî nê xizmetan ver şaredarîya girdÎ rê spas kene.”