Qezaya Çêrmûgî dewanê Hacimelîk û Sarica de tesîsê sefênayîşê awe ya paket virazîyeno

Şaredarîya Bajarê Girdî ya Dîyarbekirî semedo ke wa qezaya Çêrmûgî dewanê Hacimelîk û Sarica de hemwelatîyan biresê awa hîna qalîteyin, tesîsê sefênayîşê awe ya paket awan keno.

Midurîya Pêroyî yê Awe û Îdareyê Kanalîzasyonî ya Şareadrîya Bajarê Girdî ya Dîyarbekirî(DÎSKÎ) semedê safîkerdişê probleme awa şimitişî yê dewanê Hacimelik û Sarica dest bi xebatan kerd. Ekîbê Dîskî encamê analîzê awe de kefş kerd ke duştê polad û bafûnî zêde yo.

Na ser o ekîbê Dîskî semedo ke awa hîna qalîteyin îstîhsal bikero, tesîsê sefênayîşê paket awan keno ke wa duştê polad û bafûnî bîyaro duştêko baş .Her di tesis, 153 metrekup awe pak bikero û awe bidÎyo 100 keyeyî.

Midurê Pêroyî yê DÎSKÎ Firat Tutşî xebatan ca de sehna û derheqê xebatan di agahî girewt.

Tutşî da zanayene ke sayeye nê tesîsan de hemwelatîyan do biresê awa hîna baş û qalÎteyin û qalîkerdişê xo wna domna:

“ Tayê Bîrê sondajÎ ke ma dewan de akenê, hetê mineral û elementan duştêko baş de nînê. Ma zî semedo ke awe bîyaro duştê mîyannetewî, Nê tesîsan awna kenê û awa hîna qalîteyin peyda kenî.Dîyarbekir hetê awa qalîteyin Tirkîya de sey nimune yo û ma ewro xizmetêko newî kenê nînan ser.Dewanê Hacimelîk û Sarica de ma do tesîsê sefênayîşê paket awan bikerê Û şewe Û roje hemwelatê xo rê awa hîna qalîteyin biresnê.