Kombîyayişê “Birayîya Awe” virazîya

Wayîrîyê Midurîya Awe û Îdareyê Kanalîzasyonî ya Şaredarîya Bajarê Girdî ya Dîyarbekirî(DÎSKÎ), semede zêdekerdişê barardişê awe kombîyayişê “Birayîya Awe” virazîya.

Hîmayeyê Cinîya Serekkomar Recep Tayyîp Erdoganî, Emîne Erdoganî de û bi rayberîyê Wezaretê Zîret û Daristanî qepsema Seferberîya Barardişê Awe de protokol virazîya.

Bin o caardiş Êlîh û Midurîya Awe û Îdareyê Kanalîzasyonî ya Şaredarîya Bajarê Girdî ya Dîyarbekirî Mîyan de protokolê “Birayîya awe” ame îmzakerdiş.

Rojanê kombîyayişî teserifê awe, vinî û qeçaxan reyde mucadele, zuwayî, vurîyayişê îklîmî, sibaroja awe ûsn bi.

Midurê Pêroyî ya DÎSKÎ Firat Tutşî akerdişê kombîyayiş de qalîkerdişêk viraşt û da zanayene ke hemverê vinî û qeçaxê awe de xeylê xebatan virazîyeno û bade qalîkerdişê xo wina domna:

“Goreyê mewzuatê vinî û qeçaxê sîstemanê peydakerdiş û vilakerdişê awa şimitişî rêje şaredarîyî gird de gereke heta serra 2028 û şaredarîye bîn de zî heta serra 2033 sey se ra 25 bêra kêmkerdiş. Ma vengdayîşî ser o pêvînayişê rayîrêkêmkerdişê xebitnayişê awe û barardişî kerd. Wayîrvejîyayişê awe teyna berpirsîyarîyê welatî nêy, berpirsîyarîyê însanî yo.”

Kombîyayiş de xebatanê Midurîya Pêroyî ya DÎSKÎ ser o peşkeşêk virazîya û badê semedo ke wa gedeyî qîymetê awe bizanê Mektebo Verên ya Mehmet Sabrî Guzele de wendekarî reyde ameyî têhet.

Kombîyayiş de hetkarê Şaredarê Êlîhî Alî Eraslan, Wekîlê Midurê Awe Û Kanalîzasyonî ya Êlîhî Murat Îşcan û personelê teknîk beşdar bîyî.