DBŞT perdeyê xo bi Moraşînî akeno
Tîyatroyê Şaristanî yê Şaredarîya Amedî ya Şaristanê Girdî (DBŞT), aşma teşrîna verêne de sezonê tîyatroyî do bi Moraşînî akero. Heskerdoxê tîyatroyî do aşme de kayanê cîya-cîyayan ê pîl û gedeyan bi kurdkî temaşe bikerê.
DBŞT, aşma teşrîna verêne de bi bernameyêko dewlemend do bireso heskerdoxanê tîyatroyî. Bernameyê teşrîna verêne de kayê Moraşîn, Keçelok, Xewna Şeveke Havînê, Hişê min Tev Li Hev Bû û Romeo û Juliet (Niha çawa ye?) ca gênê.
Sezon bi Moraşînî dest pêkeno
Moraşîn do 2 û 3ê teşrîna verêne de saete 20.00î de bireso temaşekeran. Kayê gedeyan Keçelok zî do 4ê teşrîna verêne de saete 13.00î de bêro sahnekerdene.
Xewna Şeveke Havînê bi çar nîşandayîşan sahne de yo
Xewna Şeveke Havînê do 9-10 û 16-17ê teşrîna verêne de saete 20.00î de bivejîyo verê temaşekeran. Kayê gedeyan Hişê min Tev Li Hev Bû do 11 û 25ê teşrîna verêne de, Keçelok zî do 18ê teşrîna verêne de saete 13.00î de reyna bêrê sahnekerdene.
Romeo û Juliet kayanê peyênan ê aşme ra yew o
Kayê Romeo û Juliet (Niha çawa ye?) ke DBŞTî eserê Shakespeareyî yo klasîk ra adapte kerdo, do 23-24 û 30-31ê teşrîna verêne de saete 20.00î de bêro sahnekerdene.
Bilêtî do Biletinial ser ra bêrê girewtene
Heme kayî do Sahneyê M. Emîn Yalçinkaya û Merkezê Kultur û Kongre yê Çand Amedî de biresê temaşekeran. Bilêtê kayan zî do Biletinial ser ra bêrê girewtene.
Açarnayox: Mehmet Olmez
