Serekîya Daîreya Çapemenî Weşan û Têkilîyanê Şarî, bi beşdarîya mudiranê têkilîyanê şarî û endamanê meclîsî yê Şaredarîya ma ya Şaristanê Girdî, şaredarîyanê qezayan û Mudirîya Pêroyî ya DÎSKÎ kombîyayîşêkê koordînasyonî viraşt.

Kombîyayîşî de çarekerdişo bilez ê waştiş, pêşnîyaz û gazinanê hemwelatîyan, xurtkerdişê herikîyayîşê agahîyan ê mabênê dezgehan û ramitişê xebatanê warî yo bikoordînasyon ameyî qiseykerdiş.

Qerar ame dayîş ke ekîbê ma yê “Ca de Çarekerdişî” verê destpêkerdişê xebatanê warî, yewînanê têkilîyanê şarî yê şaredarîyanê qezayanê têkildaran reyde koordînasyon bikerê.

Naye ra teber qerar ame dayîş ke xebatêka hempare bêra kerdiş: muracatê ke ALO 153 rê yenê kerdiş, do bêrê nirxnayîş, yewînanê têkildaran rê bêrê resnayîş û hemwelatîyan rê hîna lez cewab bêro dayîş.