Hemşaredarê Şaredarîya Amedî ya Şaristanê Girdî Emîn Ay beşdarê eşkerayîya çapemenîye ya karkeranê endamê Sendîkaya Karkeranê Awanî û Rayîran (Yapi Yol-Îş) bî.

Karkerê endamê Sendîkaya Karkeranê Awanî û Rayîran (Yapi Yol-Îş) vernîya şantîyeyê Nêweşxaneyê Şaristanî yê Amedî de bi waştişanê xo yê derheqê şertanê xebate û heqanê şexsîyan de çalakî kenê.

Hemşaredar Ayî ke dîyar kerd ke ê bawer kenê ke piştîpêdayîşê kede û edaleto komelkî muhîm ê, îfade kerd ke ê zaf keyfweş ê ke karkeranê Sendîkaya Yapi Yol-Îşî ewro bi xoverdayîş û têkoşînê xo heqê xo yê ke nêameyî dayîş û nêameyî hesibnayîş, dest da.

Ayî bale ante ser o ke xoverdayîşê karkeran îspat kerd ke karkerî bi tehdîdan game peyser nêerzenê.

Eşkerayîya çapemenîye qiseykerdişan ra pey qedîyaye.