Merasîmê akerdişê Kitabxane û Salona Xebate ya Medya bî ke Şaredarîya ma ya Şaristanê Girdî qezaya Peyasî de warêkê 490 metrekare de awan kerd.

Hemşaredarê Şraedarîya Amedî ya Şaristanê Girdî Emîn Ayî merasîmî de qisey kerd û dîyar kerd ke do hîna zaf kitabxaneyan akerê.

Hemşaredara Şaredarîya Amedî ya Şaristanê Girdî Serra Bucak zî bale ante neseypêyî û problemanê bingeyinan ê perwerdeyî ser o û dîyar kerd ke sey îdareyanê herêmkîyan ê parçeyêkê çareserî yê.

Kitabxane amanc keno ke gedeyî û ciwanî hîna asan biresê kitab, zanayîş û îmkananê perwerdeyî; nêzdîyê 110 wendekarî eşkenê eynî wext de kitabxaneyî ra îstîfade bikerê û kafeterya û 4 warê xebata grûbe yê munasibê xebata bivengî zî tede est ê.