Serekîya Daîreya Xizmetanê Malî ya DBB'yî kombîyayîşê erjnayîşî yê dewreyê hîrêyinî organîze kerd ke new aşman ser o bî. Programê 2026î serra dîyine ya tatbîqkerdişê Planê Stratejîkî yê 2025–2029î de yo.

Hetkara Sekreterê Pêroyî Ozlem Tekîn, 26 serekê daîreyan, endamê Grûba Xebate ya Planê Stratejîkî û mudiran kombîyayîşî de ca girewt. Mudirîya Şûbeyê Averberdişê Stratejî pêşkêşîyêk daye ke tede caardişê performansî yê dewreyê hîrêyinî û projeksîyonê peynîya serre est bî.

Falîyet û hedefê performansî yê new aşman ameyî erjnayîş

Pêşkêşî de caardişê daîreyan ê new aşman ser o qisey bî û rewşa yewînan a nikayine ameye erjnayîş. Yewînan rê agahî ameye dayîş ke seba resayîşê hedefanê peynîya serre û seba ke xebatê plankerdeyî wextê xo de biqedêyê, çi tedbîrî ganî bêrê girewtiş.

Taleb û projeyê vîzyonî ameyî erjnayîş

Kombîyayîşî de goreyê fehmê plankerdişê stratejîkî yê beşdarî yê şaredarîye mişewre bî ke taleb û pawitişê hemwelatîyan lez, bitesîr û ca de çareser bibê. Rewşa nikayine ya projeyanê vîzyonî û merheleyê peyênî yê xebatan zî ameyî erjnayîş ke do piştî bidê ameyoxê şaristanî.

Kombîyayîş bi mişewreyê caardişê hedefanê performansî heta peynîya serre û xurtkerdişê koordînasyonê mabênê yewînan qedîya.