Serekîya Daîreya Viraştiş, Miqate û Tamîrê Rayîran dewam kena ke seranserê şaristanî de rayîran newe bikera ke binawanîya resî xurt bibo, emnîyetê şoforîye zêde bibo û hemwelatî rehet biresê cayê xo. Na çarçewa de ekîban herêma Dortyolî de hîrê cadeyan de dest bi xebata asfaltî kerd ke rîverê rayîrî sebebê xebatanê binawanî ra xirab bîbî.

Badê xebatanê binawanî rayîrî newe benê

Cadeyê Nukhet Coşkun, Cadeyê Kardeşlik û Cadeyê Gocmenler ke tede xebatê binawanîya gazê xozayî qedêyayî, do pê asfaltê germî newe bibê. Ekîban verê rokerdişê asfaltî rayîran de zemîn amade kerd û rayîrî rast kerdî. Badê amadekarîyan cadeyan de dest bi rokerdişê asfaltê germî bî.

Rayîrêko 2 hezar û 170 metreyî de asfalto germ

Dergîya hîrê cadeyan 2 hezar û 170 metre ya. Ameyo plankerdiş ke nê rayîran de teqrîben 4 hezar û 200 ton asfalto germ bêro xebitnayîş. Bi asfaltî rîyê rayîranê ke sebebê xebatanê binawanî ra xirab bîbî, do newe bibo û cadeyî do hîna pêt bibê.

Resêko biemnîyet û rehet yeno amanckerdiş

Yeno amanckerdiş ke badê temambîyayîşê xebatan resê wesayît û peyayan ê cadeyanê Nukhet Coşkun, Kardeşlik û Gocmenler de hîna biemnîyet û rehet bibo.

Şaredarîya Şaristanê Girdî do goreyê bernameyê xebate seranserê şaristanî de xebatanê miqate, tamîr û asfaltî dewam bikera.

Çarnayox: Mehmet Olmez