Şaredarîya Amedî ya Şaristanê Girdî xebatanê xo yê piştîdayîşê komelkî dewam kena ke piştî bidîyo cuya perwerdeyî ya gedeyan û xercê perwerdeyî yê keyeyan kêmî bibê. Çarçewaya nê xebatan de ekîbanê Mudirîya Şûbeyê Xizmetanê Gedeyan a Serekîya Daîreya Xizmetanê Sosyalî 280 wendekaran rê piştîdayîşê çenteyê mektebî kerd ke qezayanê Sûr, Bajaro Newe û Rezanî de çar mekteban de wanenê. Çenteyan de malzemeyê qirtasîye û matarayî est bîyî ke wendekaran rê dewreyê perwerdeyî de lazim benê.

Xebate rêxistinanê komelê sîvîlî reyde bi hemkarî ameye kerdiş

Çarçewaya xebate de ke Şaredarîya Amedî ya Şaristanê Girdî û rêxistinanê komelê sîvîlî bi hemkarî kerde, çenteyî ameyî resnayîş wendekaran rê ke mektebanê dîyarkerdeyan de wanenê. Pê xebate ame amanckerdiş ke piştî bidîyo wendekaran ke hewcedarîyê xo yê perwerdeyî yê bingeyinî temîn bibê û dest bi demê perwerdeyî yê neweyî bikerê.

Çarnayox: Mehmet Olmez