Balyozê Komara Qirxizan ê Enqere Ruslan Kazakbaev û heyetê ci, Hemşaredara Şaredarîya Amedî ya Şaristanê Girdî Serra Bucak zîyaret kerd. Zîyareto ke awanîyaŞaredarîya Şaristanê Girdî de bî, Hemvatoxê Meclîsê DBB'yî Demet Ceylan û Ayhan Karatekin beşdarê ci bîyî.

Hemkarîya mabênê îdareyanê herêmkîyan qisey bî

Zîyaretî de îmkanê hemkarîye yê ke mabênê Qirxizîstan û Amedî de warê komelkî, kulturî û îdareyanê herêmkîyan de eşkenê bêrê awankerdene, ameyî erjnayene.

Balyoz Kazakbaevî qisey kerd û bale ante mîrasê Amedî yê tarîxî û kulturî yê dewlemendî ser o û dîyar kerd ke şaristanî de bîyayîş û mêmanperwerîye ra ke ci rê ame mojnayene, memnûn o.

Hemşaredara Bucak memnûnîya xo ya zîyaretî îfade kerd û derheqê xizmetanê herêmkîyan û xebatanê kulturîyan de ke şaristanî de yenê ramitene, qisey kerd û seba zîyaretî heyetî rê sipas kerd.

Tadayox: Mehmet Olmez