Bi piştgirîya Şaredarîya Bajarê Girdî ya Amedî, Festîvalê Şano yê Amedî 18ê Nîsane de dest pê keno.

Serekîya Dayîreyê Karanê Kultur û Sosyalî ya Şaredarîya Girdî şarê Amedî bi çalakîyê kultur û senetî reyde ano têhet. Şaredarîya Girdî, Festîvalê Şano yê Amedî yo ke emser reya 9ine bêro viraştene, bi hunerhesan reyde bîyaro têhet.

Festîval bi şîyarê "Bi hebûna xwe, bi xwebûna xwe (Bi estena xo bi kamîya xo)" do 18ê Nîsane de dest pê bikero û heta 27ê Nîsane dewam bikero.

Festîval bi merasîmê Konaxa Îskenderpaşayî de dest pê bikero û kişta ekîbê şano yê cayî bajarê Urmîye û Seqizî yê Îranî, bajarê Kerkûk û Dihokî yê Îraqî ra zÎ ekîbê şanoyan kaye bikerê.

Kayê ke bêrê nîşandayene

Festîval de panc Tirkî, çares kaye kurmancî bêrê nîşandayene û akerdişê festîvalî zî bi kayê grûbê şano yê Yenî Sahne û Şermola bêra viraştene.

Heta pêynîya festîvalî, kayanê Buka Lekî (Şermola Performans), Afet İle Diana (BGST), Salma (Koma Hawar), Derwêş yan Gudû (Duhok), Efsaneya Hespên Azad (Urmiye), Kabil û Habîl (Koma Ritiûel), Odip ( Koma Ronya –Seqiz), Kral û Travîs (ŞanoAr), Çînur (Teatra Ba), Zîd û Han (Dubare Kumpanya), Mirina Jeanne D’arce ya din (Şanoya Bajarê Amed), Ceyran (Teatroger), Strip-Tease (Dimilki- Şanoya Bajarê Amed), Kalabalık Tiyatrosu (Fiziksel Tiyatro Araştırmaları), Bernarda (Tiyatro Proje No2), İnfaz (Şaneşin Performans), Otopsi (Gölge Tiyatro Topluluğu), Gomidas (Yolcu Tiyatro) û Rîuelîstîk Playroots hunerhesna reyde bêrê têhet.

Kaykerê şanoyî do Merkezê Kulturî yê Çand Amed(Merkezê Kultur û Kongreyî ya Sezaî Karakoçî), Şanoyê Şaristanê Amedî û cayanê tarîxî yê bajarî de kay bikerê.

Hunerhesan eşkenê lînkê https://amedtiyatro.com/ ser o biresê kayê şanoyanê ke bi bilet û bêpere bêrê kaykerdene û programê çalakîyan.