Hevşaredarên Bajarê Mezin ê Amedê Serra Bucak û Dogan Hatun, serdana Hevşaredarên Çinarê Semra Akyuz û Mehmet Şerîf Arzu kirin.

Hevşaredarên Bajarê Mezin Serra Bucak û Dogan Hatun, Şaredariya Çinarê ziyaret kirin. Di serdanê de ligel hevşardaran, endamên meclîsê jî amade bûn.

Hevşaredarên ku ji aliyê Hevşaredarên Çinarê Semra Akyuz û Mehmet Şerîf Arzu ve hatin pêşwazîkirin, çûn ber avahiya xizmetê ya şaredariyê. Hevşaredaran bi Akyuz û Arzu re hevdîtin kirin.

Hevşaredar Bucak û Hatun der barê xebatên li navçeyê tên kirin de agahî girtin û der barê xebatên ku bên kirin de nêrînên xwe anîn ziman.

Hevşaredaran kulîlk diyarî Akyuz û Arzu kirin û di peywira wan de serkeftin xwestin.

Hevşaredarên Çinarê jî ji ber serdanê kêfxweşiya xwe anîn ziman.