Hevseroka Şaredariya Mezin Serra Bucak, beşdarî bernameya nasandinê ya ku ji aliyê Şaredariya Zurîhê ve hatiye lidarxistin û tê de pergalên veguhestinê, bajarvaniya jîr û jinavbirina zibilên hişk ên bajêr hatin ravekirin, bû.

Hevseroka Şaredariya Mezin a Amedê Serra Bucak, beşdarî bernameya nasandinê ya ku di navbera 4-7'ê Sibatê de ji aliyê Serokatiya Şaredariya Zurîhê ve hatiye lidarxistin û tê de pergalên veguhestinê, bajarvaniya jîr û jinavbirina zibilên hişk ên Kantona Zurîhê hatin ravekirin, bû.

Serdana Navenda Veqetandina Zibilên Hişk

Hevşaredar Bucak, di roja yekem a bernameyê de serdana Navenda Veqetandina Zibilên Hişk a Şaredariya Zurîhê kir. Karmendên navendê, derbarê çawaniya xebitîna pergala berhevkirin û veqetandina zibilan de pêşkêşiyek pêk anîn.

Di bernameyê de Serokê Beşa Parastina Hawirdorê û Kontrolê Îbrahîm Yalçin, Seroka Beşa Karûbarên Agahiyê Berçim Guzel û endamên meclisê li gel Hevşaredar Bucak bûn.