Kursên tekstîlê yên ku Şaredariya Bajarê Mezin a Amedê bi armanca zêdekirina karbidestiya jinan vekiriye, eleqeyeke mezin dibîne.

Xebatên perwerdehiyê yên kursên tekstîlê ku Serokatiya Daîreya Xizmetên Civakî bi armanca vekirina qadeke aborî ji jinan re û dabînkirina derfetên kar vekiriye, didomin. Di bin banê Midûriyeta Şaxa Fêrbûna Heyatî de bi navê Kursên Huner û Pîşeyî yên Şaredariya Bajarê Mezin a Amedê (DÎSMEK) li Goletlî Park û Sumerparkê hatin vekirin û di perwerdehiyên ku di kursên tekstîlê de tên dayîn de, jin agahiyên pîşeyî bi dest dixin.

Di warê tekstîlê de hemû perwerdehî ji jinan re tên dayîn

Kursiyerên jin ên ku beşdarî kursa tekstîlê dibin, bi karanîna makîneyên pîşesaziyê yên cureyên cuda, ji xizmetên perwerdehiya kursê sûd werdigirin, wekî derxistina qalib, birîna kincan, overlok û dirûtina rast. Her wiha ji jinan re; perwerdehiya dirûtina kincên serî yên jinan, cil û teknîka drapajê jî tê dayîn.

Ji bo pîşesaziya tekstîlê xebatkarên bi kalîte tên perwerdekirin

Bi xebatên ku di bin banê Serokatiya Daîreya Xizmetên Civakî de tên meşandin re, ligel pîşesaziya tekstîlê ya Amedê ku di pêşketinê de ye, xebatkarên bi kalîte tên perwerdekirin û di vê çarçoveyê de dema ku derfetên ku jin bikarin agahî û jêhatîbûnên xwe pêş bixin tên dabînkirin, armanc ew e ku jin serxwebûna xwe ya aborî bi dest bixin.

Her wiha, kincên herêmî yên 95 xwendekarên ku di Midûriyeta Şaxa Zarokan a girêdayî Serokatiya Daîreya Xizmetên Civakî de perwerde dibînin ji bo şahiyên dawiya salê dîsa di van kursên tekstîlê de tên dirûtin.

Kursên ku di 18ê Nîsana 2025an de dest bi xebatên xwe kirin, dê heta Hezîranê bidomin. Kursên tekstîlê dê ji hefteya 2. ya Hezîranê pê ve bi serlêdanên nû xebatên xwe bidomînin.