Şaredariya Bajarê Mezin a Amedê, bi nêzîkbûna demsala havînê re, li 32 park û 12 qadên hêşîn ên di bin berpirsiyariya wê de xebatên xwe zêde kirin.

Serokatiya Daîreya Park û Baxçeyan, bi germbûna hewayê re, li park û qadên hêşîn ên ku welatî bi kar tînin, di şaxên kar ên cuda de bi awayekî zexm dixebite. Li navçeyên Yenîşehîr, Rezan, Peyas û Sûrê, tîmên kesaxê, ji bo ku welatî bikaribin qadên hêşîn û parkan di hawîrdoreke saxlem û kêfxweş de bi kar bînin, li 32 park û 12 qadên hêşîn çîmen û giya dibire û darên rizî yên ku xeterê çêdikin dibire.

Refûj û girêkên rê yên 1 milyon metrekare tên sererastkirin

Tîmên kesaxê, li refûj û girêkên rê yên ku ji bo xuyabûna estetîk a bajêr xwedî cihekî girîng in, li refûj û girêkên rê yên 1 milyon û 20 hezar metrekare jî çîmenan dibire.

Tîma elektrîkê ya ser bi Serokatiya Daîreya Park û Baxçeyan ve, li cihên ku di warê ronahiyê de di nav sînorên erk û rayedarên Şaredariya Bajarê Mezin de kêm tên dîtin, stûnên ronahiyê yên nû datîne. Her wiha, di çarçoveya amadekariyên ji bo mehên havînê de, projektorên ronahiyê yên ku naxebitin tên nûkirin û arîzeyên elektrîkê yên tesîsatên avê yên heyî tên sererastkirin.

Tîma tesîsatên avê, ji bo ku nebatên li qadên hêşîn û parkan bi awayekî saxlem pêşve biçin, di seranserê demsala havînê de kontrola hemû hêmanên pergala avdaniyê dike. Di xebatên ku hêmanên xerabûyî tên sererastkirin de, ji bo qadên nû yên peyzajê yên ku pêdivî pê heye jî xetên avdaniyê tên kişandin.

Komên lîstik û rûniştinê tên nûkirin

Tîma avahiyê, komên lîstikê yên zarokan ên ku li qadên hêşîn û parkan şikestin, xera bûn û xeterê çêdikin sererast dike, heke êdî nayên bikaranîn, wan nû dike.

Serokatiya Daîreya Park û Baxçeyan, ku li qadên pêwîst komên lîstikê yên nû ava dike, di serî de komên rûniştinê û hemû mobîlyayên bajar ên din ên li parkan tên guhertin an sererastkirin.

Serokatiya Daîreya Park û Baxçeyan, ji bo ku welatî di mehên havînê de jî bê pirsgirêk sûdê ji park û qadên hêşîn ên ku gelek caran wekî qadên bêhnvedanê tercîh dikin werbigirin, dê xebatên xwe bê navber bidomîne.