Şaredariya Bajarê Mezin a Amedê, ji bo ku xelk bigihîje xurekên saxlem û pêbawer, projeya "Ala Spî" ya ku zêdetirî 20 sal in dimeşîne, sînorên bajêr derbas kir û eleqeya şaredariyên bajarên mezin ên din jî kişand.

Yekîneya Kontrolê ya Xurekê ya girêdayî Serokatiya Daîreya Karên Tenduristiyê, ji bo ku welatî bigihîjin xurekên saxlem û pêbawer, sepana projeya "Ala Spî" ya ji bo kargehan dimeşîne, didome. Sepana "Ala Spî" ya ku zêdetirî 20 sal in li Amedê didome, ji aliyê kalîteyê ve prestîjê dide kargehan.

Piştî Wanê eleqeya Hatayê jî kişand

Proje ku niha ji aliyê Şaredariya Bajarê Mezin a Wanê ve jî bi awayekî aktîf tê sepandin, bala Şaredariya Bajarê Mezin a Hatayê kişand. Li ser daxwaza Şaredariya Bajarê Mezin a Hatayê, ekîbên kontrolê yên xurekê yên ku hatin vexwendin Amedê, der barê projeyê de pêşkêşiyeke berfireh hat kirin. Piştre, ekîb beşdarî kontrolên pratîkî yên li qadê bûn û hat diyarkirin ku di derbarê pêvajoyê de çavdêriyên li cihê bûyerê bikin.

Bi pêşkêşiyên teknîkî û civînên nirxandinê yên hevpar, sepandina projeyê li Hatayê hat nîqaşkirin. Piştî pêvajoya agahdarkirinê ya pir bikêrhatî, ekîba mêvan cihên dîrokî û turîstîk ên Amedê geriya.

Belgeya kalîte û paqijiyê

Ji bo kargehên ku di sektora xurekê de dixebitin, Ala Spî ku cureyek belgeya kalîte û paqijiyê ye, ji bo ku kargeh bikaribin vê belgeyê werbigirin, divê ji aliyê teknîkî, paqijî û fizîkî ve gelek pîvanan bi cih bînin. Niha li Amedê zêdetirî 200 kargehên Ala Spî hene û ji bo zêdekirina vê hejmarê, xebatên ekîbên kontrolê yên xurekê yên li qadê bê navber didomin.