Şaredariya Bajarê Mezin a Amedê Atolyeya Pedên ku tênşuştin li Rezxaneya Navçeya Rezanê bi mijara "Ez Yek ji bo Xwe û Yek ji bo Hevala Xwe Didirûm" li dar xist.
Daîreya Xizmetên Jin û Malbatê Atolyeya Pedên tênşuştinê, ku bi dirûşmeya "Em bi Çerxa Xwe Veguherin" dimeşîne, berfireh dike. Atolyeya ku bi hevkariya Gerînendetiya Polîtîkayên Jinan a Şaredariya Rezanê ve hate organîzekirin, li Rezxaneya Şaredariya Rezanê li taxa Bağcılarê bi temeya "Ez Yek ji bo Xwe û Yek ji bo Hevala Xwe Didirûm" pêk hat. Jinên ku ji navenda tenduristiyê sûd werdigirin beşdarî atolyeyê bûn.
Jinan li atolyeyê pêşkêşiyek guhdarî kirin û dûv re li gorî hewcedariyên xwe pedên ku tên şuştinê dirûtin.
'Em ê xebateke kolektîf bikin'
Mamoste Sevda Kayar Görer, derbarê atolyeyan de agahî da û diyar kir ku ew ê xebata kolektîf û hevgirtinê bikin û got, "Ji Çileyê pê ve, me kampanyaya 'Em bi çerqa xwe Veguherin' da destpêkirin. Li gel vekirina atolyeya pedên tênşuştin, armanca me ew bû ku em wê berfireh bikin. Me taxa Ben û Sen wekî qada pîlot ji bo vê projeyê hilbijart. Me du atolye li wir li dar xistin. Piştî Ben û Sen, bernameyên me bi Bağlar Yeniköy, Peyas Kuçe û Navenda Jiyana Jinan a Sur Lalebey berdewam kirin." "Îro em bi mijarek cûda derketine rê." Görer, destnîşan kir ku yek ji armancên wan ên sereke nîqaşkirina tabûya reglê ye û got: "Em bi jinan re di vê xetê de sohbetan dikin, ezmûnan parve dikin. Em li ser tenduristiya hilberandina jinan diaxivin û em ji nû ve li ser têgihiştinên xelet disekinin. Hefteya borî, me bi Şaredariya Peyasê re atolyeyek li dar xist. Îro, me bi mijarek cûda dest pê kir. "Ez yek ji bo xwe, yek ji bo hevala didirûm," me atolye bi Şaredariya Rezam re li dar xist. Ew atolyeyek pir xweş bû. Atolyeya îro armancek cûda û taybetîtir hebû. Jinan ji bo xwe û yek ji bo jinên li Navenda Jinan a Kardelenê pedek dirûtin."
Atolye dê berdewam bikin
Atolyeyên "Veguherîna bi Çerxa Me re", ku li Navendên Jiyana Jinan ên girêdayî Şaredariya Bajarê Mezin hatine destpêkirin, armanc dikin ku balê bikişînin ser xizaniya reglê û hişmendiya li ser tenduristiya jinan zêde bikin. Atolye dê bi hevkariya gerînendetiyên polîtîkayên jinan ên şaredariyên navçeyê berdewam bikin.
