Hevseroka Şaredariya Bajarê Mezin a Amedê Serra Bucak, xebatên asfaltê yên li navçeya Yenîşehîrê û Stasyona Veguhestina Çopê ya li Taxa Şehîtlîkê li cihê wan vekolîn.

Bucak, xebatên Daîreya Parastin û Kontrola Jîngehê û Daîreya Lênihêrîna Rêyan û Koordînasyona Binesaziyê lêkolîn kir. Bucak, pêşî serdana Stasyona Veguhestina Çopê ya girêdayî Daîreya Parastin û Kontrola Jîngehê ya li Taxa Şehîtlîkê kir. Li vir der barê xebatan de ji berpirsyarên beşan agahî girt.

Piştre Bucak, li Kolana Şehîtlîkê ya ku xebatên wê yên asfaltê hatibûn temamkirin geriya, serdana esnafên li ser kolanê kir û der barê xebatan de agahî da wan, pirsgirêk û daxwazên wan guhdarî kir.

Bucak anî ziman ku zirara di serdema qeyûman de zêde bû û got, wê bi xebatên xwe re van zirar û xirabiyan gav bi gav ji holê rakin.

Kolana Îstasyonê tê asfaltkirin

Bucak, paşê derbasî Kolana Îstasyonê ya navçeya Yenîşehîrê bû, ku tê plankirin 5 hezar ton asfalta germ lê were dakirin. Bucak, xebatên asfalta germ yên tîmên Daîreya Lênihêrîna Rêyan û Koordînasyona Binesaziyê li cihê wan lêkolîn kir û der barê xebatan de agahî girt. Bucak, xwest ku xebatên rê di demeke kurt de bên temamkirin.

Di dema vekolînan de, endamên meclîsê yên Şaredariya Bajarê Mezin Emra Dogan û Mahmut Yokuş, Sekreterê Giştî Emrullah Gorduk, Alîkarên Sekreterê Giştî Ezîz Ozdogan û Serdar Bakiroglu û serokên daîreyan re jî ligel Bucakê bûn.