Şaredariya Bajarê Mezin a Amedê, li ser daxwazan, 50 kûçikên ku li kolanan dijiyan û tespîta gurrîbûnê li wan hatiye kirin, xistin bin çavdêriyê û tedawiya wan dan destpêkirin.

Midûriyeta Karên Tenduristiyê, bi armanca parastina tenduristiya welatiyan û zindiyên li xwezayê, xebatên xwe didomîne. Di vê çarçoveyê de, tîm li ser daxwazên welatiyan û daxwazên ku digihêjin ALO 153ê, tedawiya heywanên li kolanan li Navenda Lênêrîn û Rehabîlîtasyonê ya Heywanan a ku li ser erdek 7 hezar û 54 metrekareyan xizmetê dide, pêk tînin.

Di encama lêkolînên tîman de, li 50 kûçikên ku li kolanan dijiyan, bi muayeneya klînîkî û mîkroskopîk tespîta gurrîbûnê hate kirin. Bijîşkên veterîner, piştî tespîta xwerbûnê, dest bi tedawiya 3 hefteyan kirin.

Tedawiya medîkal tê kirin

Besra Çakmak, Bijîşka Veterîner a Berpirsiyar a Navenda Lênêrîn û Rehabîlîtasyonê ya Heywanan, diyar kir ku ew heywanên ku tên navendê, di beşên cuda de lêkolîn dikin. Çakmak wiha got: "Em ji heywanên ku bi muayeneya mîkroskopîk tespîta gurrîbûnê li wan dikin, tedawiya medîkal didin destpêkirin. Tedawiya gurrîbûnê çend hefteyan didomîne. Me hefteyek berê tedawiya 50 kûçikan kir ku tespîta gurrîbûnê li wan hatibû kirin, bi navberên 7 rojan, 3 doz doramectine li wan hate kirin. Li gel vê, wekî tedawiya piştgirî, vîtamîn û mîneral jî hatin dayîn. Gurrîbûn nexweşiyeke bi vegirtin e, loma divê her tim baldarî paqijî û hîjyenê bê kirin. Ev nexweşî ji bo tenduristiya gel jî nexweşiyeke girîng e û divê her tim bê kontrolkirin."