Şaredariya Bajarê Mezin a Amedê, li 4 navçeyên navendî yên bajêr, derman dirêje ser hemû cureyên nebatan, nemaze daran, ji bo ku ew tendurist mezin bibin.

Midûriyeta Giştî ya Park û Baxçeyan, li gorî bernameya xwe ya xebatê, li navçeyên Sûr, Rezan, Peyas û Yenîşehîrê, li ser rêyan, li qadên hêşîn, li parkan û li deverên hevqetandinê derman dirêje da ku wan ji nexweşiyên gengaz biparêze.

Ekîbên ku 12 mehên salê bi xebatên cuda li meydanê ne, demsala dermanreşandinê di mehên Nîsan û Gulanê de bi têkoşîna li dijî giyayên bejî vekirin û di mehên Hezîran û Îlonê de jî bi têkoşîna li dijî mêşên afîd (kêzika pelxwer) derman reşandin.

Ji bilî dermanreşandina rûtîn, Midûriyeta Giştî ya Park û Baxçeyan 12 mehên salê jî midaxeleyî wan darên nexweş ên li qadên hêşîn dikin û xwedî li nebatan derdikevin.

Ekîb, ji bo ku rehetiya welatiyan zêde bibe, xebatên xwe bi şev pêk tînin û bi dermanên xurtker ên reh û pelan jî dibin alîkar ku nebat tenduristtir mezin bibin.