Hevşaredara Şaredariya Bajarê Mezin a Amedê Serra Bucak, li Çermûgê di avahiya xizmetê de, ya ku dê jiyana civakî xurt bike, lêkolîn kir.

Serokatiya Daîreya Karên Fenê, li navçeya Çermûgê ya Şaredariya Bajarê Mezin, di avahiya xizmetê de, ya ku dê xebatên jin, civakî û werzişî bimeşîne, xebatên tamîrkirinê da destpêkirin. Hevşaredar Bucak di avahiya xizmetê de lêkolîn kir û ji berpirsiyarên yekîneyên têkildar agahî derbarê xebatan de girt.

Hevşaredar Bucak diyar kir ku ew plan dikin avahiya 5 qatî ya ku dê were tamîrkirin, di demeke kurt de ji bo bikaranîna welatiyên navçeyê vekin û got ku avahî dê wek navendeke piralî were nirxandin. Hevşaredar Bucak tekez kir ku kêmasiyên di avahiya xizmetê de dê di demek kurt de werin temamkirin û anî ziman ku navend dê mazûvaniya kursên pîşeyî yên ji bo jinan, xebatên hişyariyê, piştgiriya perwerdehiyê ya ji bo xwendekaran û çalakiyên cuda yên civakî bike.

Di dema lêkolînê de, endamên Meclîsa Şaredariya Bajarê Mezin a Amedê, Denîz Yalçin û Mahmut Yokuş, û her weha berpirsiyarên yekîneyên têkildar, bi Hevşaredar Bucak re bûn.