Desteya Rêveber a Konseya Bajêr a Amedê, bi serokatiya Hevşaredarê Şaredariya Bajarê Mezin û Konseya Bajêr Dogan Hatun, civîna xwe ya meha cotmehê li dar xist.

Desteya Rêveber a Konseya Bajêr a Amedê, civîna xwe ya meha cotmehê li Navenda Çand û Kongreyê ya Çand Amedê pêk anî. Hevşaredarê Şaredariya Bajarê Mezin û Konseya Bajêr Dogan Hatun serokatiya civînê kir.

Di civîna ku endamên Desteya Rêveber a Konseya Bajêr beşdar bûn de, derbarê xebatên meclisê de agahî hatin dayîn. Di civînê de, bendên rojevê yên bi sernavê “Zêdebûna bûyerên şîdetê yên li bajêr, avahiyên li dijî îmarê, rewşa Sînemaya Dîlanê, geşedanên li Şikeftên Hasûnî yên Farqînê û binpêkirinên mafên zarokan” hatin nirxandin.