Şaredariya Bajarê Mezin a Amedê li parkên giştî yên bajêr xebateke berfireh a nûkirinê li qadên lîstik û werzîşê yên zarokan (amûrên fîtnesê, zemînên rêyên bez û meşê) da destpêkirin.
Serokatiya Daîreya Park û Baxçeyan, li navçeyên Sûr, Kayapinar, Yenîşehir û Rezan, ji bo amûrên lîstikê yên zarokan ên kevin, amûrên fîtnesê yên li hewaya vekirî, pêçandina ewlehiya zemîna qadên lîstikê û zemînên qadên werzîşê nûjen, ewle û bigihîjin herkesî, xebat dan destpêkirin.
Di çarçoveya xebatên nûkirinê yên ku tîm dimeşînin de, komên lîstikê yên zarokan û zemîna wan, amûrên fîtnesê yên ku welatî dikarin werzîşê bikin, rêyên bez û meşê tên nûkirin.
Tîm, amûrên kevin û xisardar ên ku li qadên hêşîn ji 7 heta 70 salî hemû welatî sûdê jê digirin, ji cihên wan derdixînin û li şûna wan yên nû datînin.
Zarok digihîjin qadên lîstikê yên ewle
Bi saya xebatên nûkirinê yên hatin kirin, zarok digihîjin qadên lîstikê yên ewletir, mezin jî îmkaneke werzîşê ya tenduristtir peyda dikin.
Serokatiya Daîreya Park û Baxçeyan, wê xebatên nûkirina amûrên lîstikê yên zarokan û yên werzîşê li parkên navçeyên Sûr, Kayapinar, Yenîşehir û Rezan berdewam bike.
Mîmarê peyzajê Necdet Kaygisiz ku derbarê xebatên hatine kirin de agahî da, diyar kir ku ew hem li parkên nû bên çêkirin hem jî li parkên heyî, xebatan berdewam dikin da ku welatî di hawîrdoreke rehettir û ewletir de wext derbas bikin.
Xebat li gorî astengdaran tên meşandin
Kaygisiz destnîşan kir ku ew di rêyên meşê, qadên rûniştinê û qadên lîstikê de gihîştinê pêş dixin û wiha got: “Em bi taybetî plan dikin ku li qadên lîstikê yên zarokan, amûrên lîstikê yên tevlîhev û bigihîjin herkesî saz bikin. Em armanc dikin ku bi afirandina qadên parkan ên hestî ku kesên astengdar jî dikarin bi hêsanî bi kar bînin, her kes bikaribe bi xwezayê re wext derbas bike. Em zemînan baş dikin û misoger dikin ku meriv bi hêsanî bigihîje her derê parkê, bêyî pêpelûk an astengên bilind meriv dikare bimeşe. Em konfora bikaranînê zêde dikin bi nûkirina alavên wekî bank, qutiyên çopê û kamelyayan di nav parkê de.”
