Di Civîna Herêmî ya KEFEKê de axivî, Hevşaredara Bajarê Mezin Serra Bucak, girîngiya wê yekê destnîşan kir ku jin di jiyana civakî û siyasî de roleke çalak bigirin û pêşxistina demokrasî û aştiyê ji qada herêmî bi perspektîfa jinê û nêrîna azadiya jinê.
Civîna Herêmî ya Komîsyona Wekheviya Derfetên Jin û Mêr (KEFEK) a Meclisa Mezin a Neteweyî ya Tirkiyeyê (MMNT) li Salona Konferansê ya Xaniyê Mamosteyan a Amedê hate lidarxistin. Hevşaredara Bajarê Mezin Serra Bucak, Seroka Daîreya Xizmetên Jin û Malbatê Ozden Gurbuz Sumer, Midûrê Rêveberiya Av û Kanalîzasyonê ya Diyarbekirê (DÎSKÎ) Mehmet Şerîfoglu, û parlamenterên partiyên siyasî beşdarî civînê bûn.
'Ez Silavê Li Hemû Jinên Ku Bûne Xwediyê Têkoşînê Dikin'
Hevşaredara Bajarê Mezin Serra Bucak a di civînê de axivî, anî ziman ku têkoşîna jinan li Tirkiyeyê gelek sal in cihekî girîng girtiye. Hevşaredar Bucak got: “Di civîneke bi vî awayî bi wate de, ez dixwazim silavên xwe yên hurmet û hezkirinê li hemû jinên ku bûne xwediyê vê têkoşîna mezin, nefera vê têkoşîna mezin a rêxistinkirî ya taybet a jinan, ked didin ji bo geşbûna perspektîfa azadîxwaz a jinê û paradîgmayê di warê mafên jinan de û dibêjin ‘em jî li vir in’ bikim.”
'Pêkanîna Aştiyê Ji Qada Herêmî Bi Destê Jinan Pêwîst E'
Hevşaredar Bucak destnîşan kir ku ew di lêgerîna veguheztina xebat û tecrûbeyên di navbera rojava û rojhilatê Tirkiyeyê de ne û got, "Tam di vê pêvajoya demokratîkbûn û rêya ber bi aştiyê ve ku salek e welatê me tê re derbas dibe, rola jinan, çalakbûna rola jinan di jiyana civakî û siyasî de û pêşxistina demokrasî û aştiyê ji qada herêmî û bi destê jinan, bi perspektîfa jinan û nêrîna azadiya jinê ji bo me pêwîst e. Em, wek rêvebirên herêmî, bê guman gelek dixwazin behsa polîtîkayên jinan û rola jinê ya di siyasetê de jî bikin, lê îro wek rêvebirekî herêmî ez dixwazim xebatên ku me kirine jî bi kurtasî vebêjim.”
Xebatên Ji Bo Amedê Bibe Bajarê Jinan
Hevşaredar Bucak, behsa xebatên şaredariyê yên ji bo jinan kir û wiha domand: “Bi sepana JINKART a ku me pêk anî, em piştgiriyê didin beşdarbûna jinan a jiyana civakî. JINKART ji bo jinên ku azadiya wan a rêwîtiyê ji ber sedemên aborî hatiye qedexekirin, di nava malê de li berpirsiyariyên jiyana dijwar hatine girtin, qadeke civakî û ji bo wan qertek erênî ye. Em naxwazin vê tenê bi veguhestinê sînordar bikin. Em dixwazin bikin qertek pir-fonksiyonel ku hemû xebatên civakî û çandî yên di vî bajarî de tên kirin, di nav xwe de bigire. Her wiha Zarokistanên ku me vekirine ji bo piştgirîkirina geşbûna zarokan di qadên ewle û bi kalîte de, beşdarbûna jinan a kar hêsantir dike û ji bo vê jiyana wekhev û azad piştgiriyê dide malbat û jinan.”
'Armanca Me Veguhertina Qalibên Zayendî yên Civakî ye'
Hevşaredar Bucak da zanîn ku bi projeya pedên tên şûştin ku tenduristiya jinan û hesasiyeta jîngehê bi hev re digirin dest, piştgiriyê didin jiyaneke domdar. Bucak got, “Li Diyarbekirê, bi Xaniyên Jiyanê yên Jinan re, em sîstemekê ava dikin ku jin ji bo jiyaneke domdar û ekolojîk pedên xwe çêdikin û di berdewamiya vê de em ê bikin atolyeyek. Her wiha, di warê tenduristiya jinan de, em li hemû navçeyên xwe yên gundewarî xizmetên tenduristiyê yên mobîl bi zimanê zikmakî didomînin. Dîsa ji bo ku jin bi destxistina jêhatiyên teknîkî di warên cuda de bên îstîhdamkirin, em kursên pîşeyî di warên wekî Animasyona 3D, montaja mobîlya, klîma û kombî de li dar dixin ku bi awayekî kevneşopî mêr tê de zêde ne. Armanca me di van kursan de zêdekirina beşdarbûna jinan a kar û her wiha veguhertina qalibên zayendî yên civakî ye.”
Hevşaredar Bucak bal kişand ser wê yekê ku divê di warên kevneşopî yên mêran de, wekî teknolojî, endezyarî û avahîsaziyê de jî ji jinan re derfet bên afirandin û got, divê xizmetên ji bo zarok, kal û astengdaran bên berfirehkirin û beşdarbûna jinan a qadên çandî, werzişî û civakî were piştgirîkirin.
'Li Şûna Têgîna Wekheviya Derfetê, Dibe Ku Temsîliyeta Wekhev Were Bikaranîn'
Hevşaredar Bucak bal kişand ser wê yekê ku wekheviya derfetên jin û mêr di heman demê de veguherînek zîhniyetê ye û got: “Bi rastî, me gelek salan gotina wekheviya derfetên jin û mêr jî car caran rexne kir. Ziman şêweyek ji têgihîştinê îfade dike, lê carinan pêdiviya vî zimanî bi guhertin û veguherînê heye. Bêguman nîqaşkirina meseleya derfetê li cîhê ku jin lê nayê hesibandin û hebûna keda wê nayê hesibandin; divê jiyana azad û wekhev, temsîliyeta wekhev, temsîliyeta wekhev a jinan a bi awayekî azad û demokratîk di jiyana siyasî û civakî û rêveberiyên herêmî de îfade bike. Di Civîna Herêmî ya KEFEKê de dê biryarên pir girîng bên girtin, biryarên ku ji herêmî tên girtin dê piştgiriyê bidin biryarên navendê, teşwîq bikin û nêzî hev bikin. Lewma em gelekî giring dibînin.”
Civîna Herêmî ya KEFEKê bi axaftinên din dom kir.
