Hevşaredarên Şaredariya Bajarê Mezin a Amedê Serra Bucak û Dogan Hatun digel hevşaredarên navçeyan, bi heyeta Delegeya Yekîtiya Ewropayê (YE) ya Tirkiyeyê re di şîvekê de hatin gel hev.

Hevşaredarên Şaredariya Bajarê Mezin Serra Bucak û Dogan Hatun, Hevberdevkê Meclisa Şaredariya Bajarê Mezin (DBB) Demet Ceylan, û hevşaredarên navçeyên Kayapinar, Sûr, Yenîşehir û Rezanê, bi heyeta ku ji Alîkarê Balyozê Delegeya Yekîtiya Ewropayê ya Tirkiyeyê Jurgis Vilcinskas û balyozên welatên endamên YE yên wekî Fransa, Awistriya, Portekîz, Belçîka, Îrlanda, Bulgaristan, Estonya, Yewnanîstan, Letonya, Lîtvanya, Luksembûrg, Malta, Romanya, Slovakya, Slovenya û Swêdê pêk dihat, li otelekê di şîvekê de hatin cem hev.

Piştî pêşwaziyê, hevşaredaran bi heyeta Delegeya YE ya Tirkiyeyê re li ser geşedanên rojane gotûbêj kirin û nêrînên xwe parve kirin.

Werger: Omer Dilsoz