Hevşaredara Şaredariya Bajarê Mezin a Amedê Serra Bucak, bi esnafên taksîvan re hat cem hev.

Hevşaredara Şaredariya Bajarê Mezin a Amedê Serra Bucak, tevî Hevberdevkê Meclîsa Şaredariyê Ayhan Karatekin, Endama Meclîsa Daîmî Gulay Kiliç û Sekreterê Giştî Serdar Bakiroglu, li taxa Bagcilar a navçeya Rezanê serdana rawestgeheke taksiyan kir.

Hevşaredar Bucak a ku ji aliyê esnafên taksîvan ve hat pêşwazîkirin, bi esnafan re hevdîtin kir û guh da pirsgirêk û daxwazên wan.

Bucak der barê daxwaza esnafan a ji bo "zamê" de diyar kir ku xebatên wan berdewam dikin û destnîşan kir ku ew ê li nêrîna gel jî guhdar bikin; hewl didin rêyeke wisa peyda bikin ku tu alî (ne esnaf ne jî gel) neyên mexdûrkirin.