Serokatiya Daîreya Agirkujîyê ya Şaredariya Bajarê Mezin a Amedê, bi armanca xurtkirina kapasîteya mudaxelekirina karesat, şewat û qezayên trafîkê, bi beşdariya 183 karmendan bernameyeke berfireh a perwerdeya di nava xizmetê de li dar xist. Di perwerdeyên teorîk û pratîkî de mijarên mîna mudaxelekirina şewatê, rizgarkirin, parçekirina wesayîtan, weşana yekemîn û teknîkên ajotina ewle hatin destgirtin.

Serokatiya Daîreya Agirkujîyê, ji bo zêdekirina lez û kalîteya mudaxelekirina li dijî karesat û şewatên ku dibe ku li seranserê bajêr biqewimin, xebatên xwe yên perwerdeyê didomîne. Bi bernameya ku di navbera 27’ê Nîsanê û 8’ê Gulanê de hat organîzekirin, hat armancgirtin ku asta zanyariya teorîk û pratîkî ya karmendan bête bilindkirin. Bi giştî 183 karmendên Agirkujîyê beşdarî vê perwerdeyê bûn.

Perwerdeya teorîk û pratîkî bi hev re

Di bernameyê de rahînerên pispor û xwedî ezmûn peywir girtin. Beşa teorîk a bernameyê li Navenda Çand û Kongreyê ya Çand Amedê hat lidarxistin; perwerdeyên pratîkî jî li qada Amirtiya Koma Agirkujîyê ya Kayapinarê hatin kirin. Di xebatên pratîkî de ên ji bo karmendên ku li navend û navçeyên derve peywirdar in; mijarên mudaxelekirina şewatê, rizgarkirina di qezayên trafîkê de, teknîkên parçekirina wesayîtan û amadekariya ji bo rûdanan hatin nirxandin.

Ji saziyên pispor perwerdeyên piştgiriyê

Di çarçoveya bernameyê de, ji bo misogerkirina geşedana piralî ya karmendan, bi saziyên cihêreng re hevkarî hat kirin. Ji aliyê Rêveberiya Tenduristiyê ya Parêzgeha Amedê ve ji bo 30 karmendan perwerdeya pratîkî ya destwerdana serê pêşîn hat dayîn. Di Perwerdeya Qeza û Rizgarkirinê ya ku ji aliyê AFAD’ê ve hat organîzekirin jî 29 karmendan li ser teknîkên mudaxelekirina qezayên trafîkê û parçekirina wesayîtan perwerde dît. Her wiha ji bo 21 karmendan Perwerdeya Teknîkên Ajotina Ewle û Defansî hat dayîn.

Li aliyê din, di perwerdeyên pêşîgirtin û mudaxelekirina şewatê de yên ku di nav lûleya Daîreya Agirkujîyê de ji bo karmendên navçeyan hatin lidarxistin, 103 karmend beşdar bûn. Di van de li ser pêvajoyên koordinasyon û mudaxelekirina şewatê agahdarî hatin parvekirin.

Armanc, di demsala havînê de mudaxeleyeke berfirehtir e

Bi van perwerdeyên di nava xizmetê de tê armancgirtin ku tîm bi taybetî beriya demsala havînê li dijî şewatên ku dibe ku derkevin, bêtir amade peywira xwe pêk bînin. Bi vî rengî, tê xwastin ku xizmetên Agirkujîyê yên ku ji bo welatiyan tên pêşkêşkirin, leztir û bi kalîteyeke bilindtir bin.

Serokatiya Daîreya Agirkujîyê dê xebatên xwe yên perwerdeyê yên ji bo karmendên ku di nav amirtiyên komê yên li bajar û navçeyan de dixebitin, bidomîne.

Werger: Omer Dilsoz