Di demên dawî de li dijî Serokatiya Daîreya Veguhastinê ya Şaredariya Bajarê Mezin a Amedê bi hinceta ku otobus bêpere nehatine veqetandin, kampanyayeke bêbingeh tê meşandin.

Daxuyaniyên ku hem li ser kanalên medyaya civakî û hem jî di daxuyaniyên çapemenî yên nivîskî de tên dayîn ji rastiyê dûr in û xelek jş hewldanên têkbirina îradeya Şaredariya me ya Bajarê Mezin a Amedê ne.

Ji bo çalakiya 28ê Nîsanê roja Yekşemê li Qada Newrozê were lidarxistin bi yekîneyên rayedar ên şaredariya me re hin muzakere hatin kirin û di encama nîqaşan de li ser hin mijaran lihevkirin çêbû.

Ango;

Piştî çalakiyê qada Newrozê hate paqijkirin.

Hebûna jeneratoran û peydakirina piştgiriya teknîkî,

Avakirina tuwaletên gerîde, ku hewcedariya bingehîn a gel e,

Hat axaftin ku dê xizmetên bi vî rengî bên pêşkêşkirin.

Bi hinceta ku daxwaza veqetandina otobusa bêpere, qet nebe ji bo niha pêk nayê, bi kesê eleqedar re hat parvekirin. Di hevdîtinan de hate gotin ku piştî standina rêveberiyên herêmî 70 wesayîtên kêmasî hatine tesbîtkirin, hinek ji wan li cihên din hatine wezîfedarkirin û ji bo rê li ber astengkirina çûnûhatina bajaran neyê girtin, bi kêmanî heta niha ev daxwaz pêk nayê. Helbet xebatên me yên ji bo dabînkirina şert û mercên pêwîst dewam dikin.

Têgihiştina me ya rêveberiya herêmî prensîba peydakirina xizmeteke wekhev, adil û zelal ji her kesî re li xwe digire. Bê şik em ê heta pênc salên pêş me bêyî ku tawîz bidin van prensîban xebata xwe bidomînin.

Silav û rêz…

Sekreteriya Giştî ya Şaredariya Amedê