Şaredarîya Bajarê Girdî ya Dîyarbekirî çarçiwa Atolyeya Ziwananê Medenîyetî de xoşebera “Estanik û Lawikê Zazakî yê ke Gêl de Aredîyayî”serrast kerd.

Atolyeya Ziwananê Medenîyetî, Serekîya Dayîreyê Karanê Sosyal û Kulturî ser o xebate kena û hetê atolyeye Banê Dengbêjî de xoşebera “Estanik û Lawikê Zazakî yê ke Gêl de Aredîyayî” virazîya.

Perwerdekar û Cigêrayox Şahap Laçîn Atolyeya Ziwananê Medenîyetî ser o xebate keno û xoşeber de beşdaran rê derheqê tarîxê zayayn de agahî dayê.

Laçîn ewilî derheqê kîtabî ke nuşto agahî dayê beşdaran û bade derheqê muhtewaya estanikî ke arêdayo dazanayîş.

Xoşeber hetê beşdaran raştê eleqeyêko hewl ame û pê qismê pers û cewab dewam kerd.

“Ganî nê ziwanan aver şêrê”

Cigerayox Laçîn da zanayene ke xoşeber de estanik û lawikê zazakî ser o û muhtewaya înan ser o qalî kerdê.Laçîn bal ont giringîya Atolyeya Ziwananê Medenîyetî ser o û badê qalîkerdişê xo wina domna:

“Ma wazeme ke Zazakî rê wayîr vejime”

Kursîyer Pınar Gok Atolyeya Ziwananê Medenîyetî ser o kursê zazakî de perwerde vînena û aye kîfş kerd ke zazakî verê vinîbîyayişî de yo.

Gok da zanayene ke ina xoşeber semedê paştîdayîşê zazakî cayêko girîng der o û Goke wina va:” Ma wazeme ke Zazakî rê wayîr vejime.”

Kursîyer Dîlan Şahıne zî kîfş kerd ke semedê musayîşê ziwan û zagonê zazakî nê kursan feydeyînê.

Şahın da zanayene ke ganî ziwanan bicuwê û bêrê qalîkerdiş û Atoleyeya Ziwananê Zazakî xebatanê zaf girîng kena.