Şaredarîya Bajarê Girdî ya Dîyarbekirî bi wesîleya serrgera 1382ine Fetihê Dîyarbekirî cîya-cîya çalakîyan serrast kerd û çalakîyan ewro dest pê kerd.

Şaredarîya Girdî semedê Fetihê Dîyarbekirî yo ke serranê bînan de nêno pîrozkerdiş, programêko dewlemend serrast kerd. Hemwelatîyan bi coş 7 roje pê çalakîyanê cîya-cîya coşê fetihî hîs bikerê.

Serekîya Dayîreyê Kultur û Karanê Sosyal ya Şaredarîya Girdî tedbîranê Vîrusê Korona ver çalakîyan online bivirazê.Şaredarî çarçiwa xebatan dip ê çalakîya şîîr û suhbetan ra bigîrê heta dengbêjan pê cîya-cîya çalakîyan benê mêmanê hemwelatîyan.

Sergîyê fotrafan ya Vizer ra nata Dîyarbekir abî

Çarçiwa çalakîyê Fetihê Dîyarbekirî de sergîyê fotrafe ya Vizer ra nata Dîyarbekir abî. Hemwelatîyan eşkenê malperê diyarbakirsergi.com ser o fotrafî biewnê.

Sewbînan hemwelatîyan rojanê ke qedxeyê tebervejîyayişî çina eşkenê sergîye Galerîye Senetî ya Sumerparqî de zîyaret bikerê. Emşo saetê 20.00 de çalakîyê Berê Şîîran de derheqê Fetihê Dîyarbekirî şîîran bêrê wendiş.

Musabaqaya zanayîşî ya Ez kama ? de derheqê fetihî de persan bêrê perskerdiş.

Sateê 21.30 de na rey zî dengbêjvana pê klamî derheqê Fetihê Dîyarbekirî benê mêmanê hemwelatîyan

Coşê fetihî pê Otobuse Gerok kirişîyeno kuçeyan

Şaredarîya Girdî bi wesîleya Fetihê Dîyarbekirî pê Otobuse Gerok kuçe û cadeyan de konser bidê hemwelatîyan.

Şaredarîya Girdî semedê ke coşê fetihî hemwelatîyan reyde pare bikerê mabênê 24-27ê Gulane de pê Otobusan Gerok qezayê Baxlar, Peyas, Sûr û yenîşehrî de konseran bidê hemwelatîyan.Hunermendî Serekîya Dayîreyê Kultur û Karanê Sosyal ya Şaredarîya Girdî pê hîre ziwanî ( Tirkî, Kurdî, Kirmançkî ) deryanê derheqê fetihê bajarî ma vajê.

Otobuse Gerok do 24ê Gulane de qezaya Yenîşehrî de, 25ê Gulane de qezaya Baxlarî de, 26ê Gulane de qezaya Peyasî de, 27ê Gulane de qezaya Sûrî de nêzdîyê hîre saatî konser bidê hemwelatîyan.