Şaredarîya Bajarê Girdî ya Dîyarbekirî bi ameyîşê amnonî park, baxçe û peyzajan bi gul û daran xemilnena. Ekîbê Şaredarî na rey zî dorûverî Camîya Qerşunine ( Fatıh Paşa Camı) pê gul û daran xemilnayî.

Serekîya Dayîreyê Park, Baxçe û Cayanê Zergûnînan ya Şaredarî qezaya Sûrî Meydanê CamÎya Qerşunine de xebata peyzajî viraşt. Ekîban ewilî xebata binawanîye qedîna û bade dest pê ronayîşê gul û daran kerd. Ekîban semede ronayîşê vilan 4 hezar metreküp herreyê bi sil ravist.

Ekîban Camîya Qerşunine ke qezaya Sûrî de ca gêno de 50 heb Çinar, 30 heb şeker akçaağaç, 250 gule Muhammedî, hezar û 500 heb tewr de gul, 500 heb top mazı, 500 heb kar topu, 500 heb alev û 500 heb zî Çın ardıcı ronayî û pêroyî de 10 hezar metreküp çîm amê ravistis.

Sewbînan Şaredarîya Girdî cayêk 885 metrekareyin ser o bazaro ke têde cîyanê xelatî bêrê rotiş, awan kerd.

Serekîya Dayîreyê Ciewnîyayişê Rayîr û Koordînasyonê Binawanîye ya Şaredarî zî qepsema xebatan di 800 metrekare kerrayê bazalt bordur, 800 metrekare kerrayê bazalt oluş, 2500 metrekare zî kuptaş ravist.

Mabenê Berê Saray û Birca Bize de 180 heb dîregê roşnîkerdişî ame temîrkerdiş.