“Têhetamayişê Turîzm, Medya, Senet û Kulturî" emser reya dîyine piştgirîyê Wezaretê Kultur û Tırîzmî pê mêmanîye Şaredarîya Bajarê Girdî ya Dîyarbekirî dest pê kerd. Şaredarîya Bajarê Girdî ya Dîyarbekirî, muxabîrê kultur û senetî ya ke cîya-cîya bajaran de wezîfe kenî Dîyarbekir de ame têhet.

Çarçiwa çalaki de muxabîr û nuştoxê ke endamê Komela MuxabîRê Senet û Kulturî yê pê mêmanîye Şaredarîya Girdî cayanê tarîxî û turîstîk ya bajarî ma de gêrayî.

Rojnameger Alı Soydemır o ke qepsema “Têhetamayişê Turîzm, Medya, Senet û Kulturî" de ameyo Dîyarbekir da zanayene ke ey vere cû zî ameyo Dîyarbekir û a roje ra nata xeylê ferq estê. Badê Soydemırî wina vat: “Mi dî ke xeylê cayan de xebatanê zaf weş ameyo viraştiş. Ez tîya ra heme rojnamegeran rê silayîye rişnena berên û tîya bivînên”.

Sereka Dayîreyê Xizmetanê Destegî ya Wezaretê Kultur û turîzmî Sanem Arikane ke Enqere ra tewrê çalaki bîya, tehetamayiş ra ver keyfweşîye xo ard ziwanê xo ser. Arikane kîfş kerd ke Dîyarbekirî wayîrîyê 33 medenîyete kerdo û bade qalîkerdişê xo wina domna : “ Gama gama xo eşt ça tarîx şeqêya.Ma heme hemwelatîyanê xo pawenê. Dîyarbekir semedê turîzmî cayêko hem asayişin hem zî weş o.”

Feyzanur Kuçuke ke Başkent Postasi de pêşkêşkeriye kena aşkera kerdf ke sifteyo ameya Dîyarbekir û abdê wina vat : “Dîyarbekir hetê turîzm û tarîxî cayêko zaf aktif o.”

Sereka Lijneyê Medya A.Ş. Serap Ulku Ozdemıre Zî wina va : “Se ke ma vanê turîzm, qum û deniz yeno vîrê hemwelatîyan. Na çîyo ke xelet o. Dîyarbekir de ma mêmanÎ û rîyê ke huyenî dîyî. Ez her kesî rê vana ke ganî şima bêrê û tîya bivînê. Tîya de hewayê tarîxî û manewÎyatî estê. Eke ma tarîxê xo biewne ma esasê ci de tîya paytextêko tarîx û kulturî ma ra yo.Eke ma ageyrê Muxla ma do weşî û cayanê tarîxî yê tîya biresê heme wendoxanê xo.

Serekê Komela Muxabîrê Kultur û Senetî ya Ibrahım Gokdemır, seba “Têhetamayişê Turîzm, Medya, Senet û Kulturî" ya reya diyine Walîtîya Dîyarbekirî û Şaredarîya Girdî rê spas kerd.

Mêmanîyê Şaredarîya Girdî rojnamegeran 2 roje cayanê tarîxî û kulturî ya merkeze bajarî gêrayî û bade derbasê qezaya Gêl û Erxenî bîyî.