Şaredarîya Bajarê Girdî ya Dîyarbekirî Dêra Saint George ke qezsya Sûrî de ca gêno û hetê turîzmî cayêko zaf girîıng der o de xebatanê restorasyonî qedînay.

Şaredarîya Bajarê Girdî ya Dîyarbekirî semedo ke cayanê tarîxî turîzmî ya bajarî ma biveje werte sermayegozarîye xo domneno.

Serekîya Dayîreyê Îmar û Bajarvanîye Şaredarîya Bajarê Girdî ya Dîyarbekirî 99 bircanê bajarî ra 24 hebî yê ke linganê xo ser de yî de xebata restorasyonî dabi dest pêkerdiş. Çarçiwa xebatan di Dêra Saint George ke serre 2008 ra nata sey galerîyê senetî yeno şuxulnayiş de zî xebata restorasyonî da dest pêkerdiş.

Ekîbê şaredarî xebata restorasyonî par aşma Îlone de dabi dest pêkerdiş û qepsema xebatan di yalitim virazîya, derzê dêra Saint George kerd newe û yalitim virazîya.

Xebata roşnîkerdişî virazîya

Şaredarîya Girdî semedo ke dêra tarîxî hîna weş biasîyo baxçe û nuqteyanê bellî de roşnê spot viraşt û pê xebatanê roşnîkerdişî endî dêra tarîxî saetanê şewe de hîna weş biasÎyo. Dêra Saint George sey Galerîyê Senetî Mêmananê xo paweno.

Dêra Saint George

Dêra Saint George Bakûro Rojhêlatîye Kelaya Zerî de ca gêno û goreyê malzemeye ke ameyo xebitnayiş aye ra yeno texmînkerdiş ke seserra 2ine de ameya viraştiş.

Dêr dema Artûqîyan de sey hemam zî ameyo xebitnayiş, tayê çiman de yeno vatiş ke robotê awankerdoxê sîbernetîkî Eb-ul Iz El Cezerî tîya de ameyo şuxulnayiş.