Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî(DÎSKÎ) semedo ke verê îsrefbîyayişê awe bigîre, humarkerî kargeh û keyeyan pê humarkerê biaqil ,vurneno.

Midurîya DÎSKÎ ya Şaredarîya Girdî semedo ke heqanê hemwelatîyan bipawê û verê îsrefbîyayişê awe bigîre hem merkezê bajarî de hem zî qezayon de xebatanê xo domneno.

Dîskî pê humarkerê neweyî, kargeh û sîteyê ke awe zaf xebitnenê de verê îsrefbîyayişê awe gêno.

Ekîbê Dîskî çarçiwa xebatan di qezaya Peyasî Taxa Fıratî Kuçeyê 508ine de humarkeran kerd newe û herinda înan biaqil montaj kerdî.

Midurê Pêroyî ya Dîskî Fırat Tutşı da zanayene ke merkez de 996, qezayon de zî 147 heb humarkerê neweyî bêrê montekerdiş.

Tutşı kÎfş kerd ke hetanî nika humarkerê 160 sîteyî ame bedilnayiş û bade qalîkerdişê xo wina domna: “Ma çarçiwa xebatan di teyna merkez de nêy qezayon de zî humarkerê awe kenî newe. Ma do pê humarkerê neweyî qeçaxê fîzîkî hîna asan tespit bikerê hem zî rêje xebitnayîşê awe tespit bikerê.”